Mətbuat-Monitorinq 13.08.15

Rəsmi qəzetlər dövlət başçısı İlham Əliyevin XXXI Yay Olimpiya Oyunlarına hazırlıq, təhsil naziri Oktay Şirəliyevin, komitə sədri Hicran Hüseynovanın “Şöhrət” rdenilə təltif olunmaları haqda sə əncamların mətnlərini ilk səhifələrdə yerləşdiriblər.

“Azərbaycan” qəzeti isə hər hansı əsas olmadığı halda jrunalist Rasim Əliyevin qətlinə aid “Jurnalistin qölümünü siyasiləşdirənlər ölkəmizi istəməyənlərdir” adlı şərhlərdən ibarət məqalə dərc edib. 

“Azadlıq” qəzeti General Bəylər Əyyubovla nazir Ziya Məmmədov arasında “Azəryolservis”ə kimin sədrliyi uğrunda mübarizə getməsini ilk səhifəyə çıxarıb.

Jurnalist Rasim Əliyevin qətli fonunda ölkədəki ictimai duruma nəzər salan qəzet qəzet jurnalistin ölümünü də, idmançının özünü reket kimi aparmasını da, həkimlərin insan telyinə biganəliyini də rəsmi Bakının yürütdüyü siyasətin fəsadları kimi dəyərləndirir. Milli Şura üzvü Gültəkin Hacıbəyli həkimlərin  jurnalist Rasim Əliyevi ölümdən qurtara bilməmələri fonunda ölkə səhiyyəsinin səviyyəsinə “bu, Afrika səhiyyəsi üçün də ayıb bir şeydir” qiyməti verir. Politoloq Hikmət Hacızadə isə ölkəyə “türmə idarəçilyi tətbiq olunduğunu” bəyan edərək  mövcud repressiv siyasətin “rəsmi Bakının dünyagörüşü ilə bağlı” olması kimi şərh edir. Bu ilin mayında Binəqədidə kütləvi insan ölümü ilə müşayət edilən binanın yanması ilə bağlı istintaqın hələ də yekunlaşmaması bu məslənin ədalətli həllində rəsmi Bakının marağı olmaması kimi əksini tapır.   

İqtisadi-maliyyə durumuna toxunan qəzet dövlət başçısı İlham Əliyevin qeyri-neft sektorunun 9%-dən də çox inkişaf etməsi haqda bəyanatını “əhalini çaşdırmağa hesablanış çıxış” sayır. Çində yuanın devalvasiyası ilə bağlı Neft Fondunun bu ölkədə maliyyə itkilərinin həcminin 17 miylon dollara çatdığını bildirir. Deputat Vahid Əhmədov ölkənin bank sisteminə “banklar ya bağlanmalı, ya da Mərkəzi Bankın tövsiyyəsilə iri banklar yaradılmalıdır, bu sahədə durum indiki kimi davam edə bilməz” şərhi verir.

“Ekspress” qəzeti Əmək nazilriyinin zözəl sektor və banklara iş vaxtının dəyişdirilməsi haqda tövsiyyəsini önə çəkib.

Qəzet iqtidaryönlü deputat Fəzail Ağamalının “Rasim Əliyev ya ona baxan həkimlərin qeyri-peşəkarlığı, ya da diqqətsiliyindən həyatını itirdi” açıqlamasını  nəzərə çatdırır, bu halda deputat jurnalistin  qətlində bir qrup şəxs tərəfindən döyülməsini arxa plana keçirir.

Ölkə iqtisadiyyatının asılı olduğu neft amili haqda qəzet neftin dəyərinin “dib”ə yaxınlaşmasını “neftin həqiqət anı” kimi dəyərləndirir. İranın dünya neft bazarına çıxışı ilə ekspertlər qiymətlərin 40 dollara qədər enəcəyini bildirirlər. 

“Exo” qəzeti “Azərbaycan banklarına kim daha çox borcludur?” sualının arxasınca tikinti, sənaye və nəqliyyat sahlərinin adlarını diqqət mərkəzinə çəkir.

“Novoe Vremya” qəzeti ölkə iqtisadiyyatının “sabit böhran dövrünə daxil olduğu” iddiasını manjetə çıxarıb.

“Bizim yol” qəzeti diplomat Arif Məmmədovun beynəlxalq axtarışa veriıməsini ilk səhifəyə yerləşdirib.

Qəzet ölkənin maliyyə durumu ilə bağlı ölkədə nəqd pul kütləsinin 37% azaldığını, əhalinin bu ilin ilk yarısında qazancının çox hissəsini ərzağa sərf etdiyini nəzərə çatdırır. Ekspeetlər isə Çin valyutasının devalvasiyaya məhkum olunduğunu deyərək Neft Fondunun yuanla oaln aktivlərinin də “ərimək”də davam edəcəyini bildirirlər.

“Yeni Müsavat ” qəzeti diplomat Arif Məmmədovun həbsi və axtarışa verilməsi haqda ölkə prokurorluğunun qərar verməsi haqda xəbəri ilk səhifəyə çıxarıb.

Qəzet ölkə həyatına ümumi nəzər salıb. Bu ısrada Müsavat partiyası başqanı Arif Hacılı ölkədəki ictimai-siyasi duruma “ölkədə siyasi proseslərin ərginləşməyə doğru getməsi” şərhi verib.

İqtisadi durumla bağlı qəzet neftin ucuzlaşması fonunda iqtisadiyyatı ayaqda tutacaq başqa sektor sualına ekspertlərin “nefti vəzləyəcək başqa sektor yoxdur” bəyanatını nəzərə çatdırır. Ölkədə tikinti sektorunun “ölməkdə olması”nı səbəb kimi Rusiyadan Azərbaycana gələn vəsaitlərin azalması, bank sektorundakı geriləmə və manatın devalvasiyası göstərilir.  Ekspertlərə görə, xidmət sektorlarında müştərilərlə kobud rəftar təhsildən daha çox, ümumi mədəniyyət və tərbiyə ilə bağlı məsələdir. Qəzet Zığ qəsəbəsində torpaq sürüşməsilə bağlı sakinlərin həyatına ciddi təhlükə yarandığını nəzərə çatdırır. 

Qəzet yazır ki, Azərbaycandakı xəvariclər “Yeni Çağ” qzəetinin redaktoru Aqil Ələsgəri ölümlə hədələyiblər.