13 saylı cəzaçəkmə müəssisəsində saxlanılan siyasi məhbuslar jurnalist, ictimai fəal Rasim Əliyevin ailə üzvlərinə və yaxınlarına başsağlığı veriblər.
Siyasi məhbus Anar Məmmədli yaxınları ilə telefon söhbətində bildirib ki, R.Əliyevin ölümü onu və onunla birlikdə 13 saylı cəzaçəkmə müəssisəsində saxlanılan siyasi məhbusları sarsıdıb, kədərləndirib.
“Rasim Əliyev Azərbaycanın parlaq, öz işini vicdanlı şəkildə yerinə yetirən gənclərdən biri idi. Onun ölümü Azərbaycan cəmiyyəti üçün itikdir”, - deyə Anar Məmmədli qeyd edib.
A.Məmmədli jurnalistlə belə davranışı - onun öldürülməsini qətiyyətlə pislədiklərini qeyd edib.
A.Məmmədli hesab edir ki, ölkədə jurnalistlərin təhlükəsizliyi təmin edilməlidir, ifadə azadlığına qarşı hörmətlə yanaşılmalıdır.
A.Məmmədli Rasim Əliyevin ölümünə səbəb olmuş hər kəsin qanun qarşısında cavab verməli olduğunu bildirib və hakimiyyəti jurnalistlərin təhlükəsizliyini təmin etməyə çağırıb.
“Biz siyasi məhbuslar olaraq Rasim Əliyevin öldürülməsindən sarsılmışıq. Və jurnalistlərə qarşı belə davranışlar bizi çox narahat edir. Rasim Əliyevin ailə üzvlərinə, yaxınlarına başsağlığı veririk, onlara səbr diləyirik. Rasim bəyin ruhu şad olsun”.
Qeyd edək ki, 13 saylı cəzaçəkmə müəssisəsində siyasi məhbuslar Tofiq Yaqublu, Əbdül Əbilov, Anar Məmmədli, Pərviz Həşimli, Əli İnsanov, İlkin Rüstəmzadə, Fərəc Kərimli saxlanılır.—06D--
Cəmiyyət
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
Yanvarın 19-da səhər və axşam paytaxtda yağış yağacağı gözlənilir. Səhər bəzi yerlərdə duman olacaq. Cənub-şərq küləyi əsəcək. Havanın temperaturu gecə müsbət 3+6, gündüz müsbət 7+11 dərəcə olacaq. Rütubət 70-80 faiz olacaq.
-
Azərbaycanda meymunçiçəyi virusuna yoluxma ilə bağlı ilk hal aşkarlanıb. Bu barədə Azərbaycan Səhiyyə Nazirliyinin və Tibbi Ərazi Bölmələrini İdarəetmə Birliyinin (TƏBİB) 18 yanvar tarixli birgə məlumatında deyilir.
-
Lider mobil operator şagird və valideynləri virtual məkanda təhlükəsiz davranış qaydaları ilə tanış edir Azercell uşaqların virtual məkanda təhlükəsizliyini təmin etmək və rəqəmsal savadlılığı artırmaq məqsədilə ölkə üzrə “Təhlükəsiz İnternet” mövzusunda təlimlərini davam etdirir. Bu dəfə layihə Quba, Xızı, Sumqayıt və Mingəçevir şəhərlərində keçirilib.
Rəy yaz