Mətbuat-Monitorinq 14.05.15

Rəsmi qəzetlər dövlət başçısı İlham Əliyevin Bakıda Avropa Oyunları Parkının açılışında iştirak etməsi xəbərini ilk səhifələrdə yerləşdiriblər.

“Azadlıq” qəzeti son günlər iş adamlarına qarşı həbslərin davam etdiyini yazaraq bunu hakimiyyətin “oliqarx ovu” adı ilə manjetə çıxarıb.

Qəzet Avropa Parlamentinin rəsmi Bakıya Avropa Oyunları başlanana qədər siyasi məhbusları azad etmək çağrışını diqqətə çatdırır.

Milli Şura mayın 17-nə təyin etdiyi mitinqi mayın 16-na sanksiyalaşdırdığına görə Bakı meriyasını məhkəməyə verir. Milli Şura Bakı meriyasının aksiya ilə bağlı mayın 16-na verdiyi icazədən imtina edərək mayın 24-də yeni aksiya keçirməsilə bağlı meriyaya müraciət edib.

Qəzet 15 gündür ki, “bandotdel”də saxlanılan AXCP fəalı Fuad Əhmədliyə vəkili ilə görüş verilməməsini diqqətə çatdırır.

Mayın 15-də iqtidar-müxalifət görüşünə dəvət alan AXCP tədbiri “imitasiya” sayaraq qatılmayacağanı bildirir.

Tanınmış vəkil Qurban Məmmədov 2014-cü ilin dekabrında 12 saylı həbsxanada döyülərək qətl edilən məhkum Elşad Babayevin işi üzrə şahid kimi dindirildiyini bildirir.

“The Vaşinqton Post”qəzeti 2013-cü ildə Bakıya gələn ABŞ-ın 10 konqresmen və 32 heyət üzvünün bütün xərclərini  ARDNŞ çəkərək 750 min dollar xərcləməsini “ARDNŞ-nin gizli əməliyyatı” adlandırır.

“Ekspress”  ARDNŞ-nin sərfəli olmadılğı üçün benzin satışını bərpa etmək istəməməsini ön plana çıxarıb.

Qəzet Avropa Oyunları davam edən müddətdə rayonlardan Bakıya avtomobillərin buraxılışının maksimum məhdudlaşacağını yazır.

“Exo”  “Azdimension” oyun şirkətinin “Sonuncu dalan” oyunu ilə İçərişəhəri ilk dəfə olaraq virtual muzeyə çevirmək və bununla ölkəyə turist marağını artırmaq məqsədi güdməsini ilk plana çəkib.

“Bizim yol”  son günlər iş adamlarını kütləvi saxlanılmaları fonunda Nehrəmli İbrahimin də iki gündür saxlanması və dindirilməsini ilk səhifədə yerləşdirib.

Hüquq müdafiəçisi Novella Cəfəroğlu 15-16 siyasi məhbusun adının əfv olunmaları üçün Əfv komissyasına verildiyini bəyan edib.  

“Yeni Müsavat”.  Beynəlxalq Bankdan götürdükləri borcları qaytarmadıqlarına görə son günlər iş adamlarının kütləvi həbsinə toxunan qəzet bu həbslərə “dövlət bankını soyanların arxasında kimlər var”  mövqeyini ifadə edir.

Qəzetin yazdığına görə, ekspertlər RF generalı Partruşevin Bakı səfərini “Kremlin Azərbaycanı öz yanına çəkmək cəhdi” kimi dəyərləndiriblər.

Rusiyanın hədələrinə baxmayaraq, Azərbaycan da daxil olmaqla Avropa İttifaqı “Şərq Tərəfdaşlığı” proqramı iştirakçılarının Riqa sammitinə qatılmasını qəzet “Bakının Kremlin hədəsini geri çevirməsi” kimi dəyərləndirir.