Rəsmi qəzetlər dövlət başçısı İlham Əliyevin elmi fəaliyyətinə görə qayınatası Arif Paşayevi “İstiqlal” ordenilə təltif etməsi, ölkənin mədəniyyət konsepsiyasını təsdiq etməsi haqda sərəncamlarının mətnlərini ilk səhifələrə çıxarıblar.
“Azadlıq” qəzeti həbsdə olan keçmiş səhiyyə naziri Əli İnsanovun məhkəmə prosesində İlham Əliyevi kəskin tənqidə məruz qoymasını manjetə çəkərək bunu “İ.Əliyevə meydan oxuması” kimi dəyərləndirir.
Suriyada qanunsuz silahlı dəstələrin tərkibində rəsmi Dəməşqə qarşı döyüşlərdə Azərbaycanın əslən Sumqayıtdan olan daha 5 vətəndaşı öldürülüb.
ABŞ-ın Azərbaycandakı keçmiş səfiri Riçard Kozlariç ABŞ-Azərbaycan arasındakı mövcud durumu aradan qaldırmaq üçün Əliyev rejiminə “ilk növbədə ABŞ ilə demokratiya məsələsində razılığa gəlməyi” tövsiyə edib.
Bakıdakı “Alov qüllələri” binalarının təkcə birinin 1 milyard dollara başa gəlməsini yazan qəzet bu məbləğə “fantastik qiymət” mövqeyini ifadə edir.
Masallı Rayon İcra Hakimiyyəti başçısının təhrikilə bir neçə “ağsaqqal” şəxs tanınmış hüquqşünas Müzəffər Baxışova mətbuata açıqlama verməmək üçün təzyiq göstəriblər.
“Ekspress” Təbrizin “Traktor” futbol komandasının Kirmanın “Mis Kirman” komandasına qalib gələrək İran kubokunu Güney Azərbaycanın paytaxtına aparması haqda yazır.
Ekspertlər Rusiyanın orta və ali məktəb tarix dərsliklərində ermənipərəst mövqeyin hakim olduğunu faktlarla izah edərək durumu “rus tarixçiliyinin erməni əsarətində olması” kimi dəyərləndirirlər.
“Bizim yol” yeni büdcənin pul bölgüsünü açıqlayaraq ən çox vəsaitlərin nəqliyyat və mədəniyyət nazirliklərinə, eləcə də Bakı meriyasına ayrılması xəbərini ilk səhifəyə çıxarıb.
“Yeni Müsavat” həbsdə olan keçmiş səhiyyə naziri Əli İnsanovun məhkəmə prosesində dövlət başçısı İlham Əliyevi kəskin tənqidə məruz qoymasını “hakimiyyətə od püskürməsi” kimi dəyərləndirir.
Qəzet bildirir ki, Azərbaycandakı vəhabilər ölkənin 4 jurnalistini ölümlə hədələyiblə.
Yerli ekspertlər Suriyada döyüşən Azərbaycan vətəndaşlarının qayıtdıqdan sonra ölkə üçün problem olacaqları bəyanatını səsləndiriblər.
Zaqatalada fəaliyyət göstərən regional “AygünTV”nin direktoru Nəzirxan Quliyev telekanalı MTRŞ satmadığı üçün lisenziyasının uzadılmadığını açıqlayıb.
“Ismayilli hadisələri” ilə bağlı məhkəmə prosesinə cəlb edilən 86 şahiddən 72-i ibtidai istintaqda müttəhimlərin əleyhinə verdikləri ifadədən imtina ediblər.
Milli Şuranın fəxri sədri Rüstəm İbrahimbəyov qurum sədri Cəmil Həsənli ilə “EL” Hərəkatının sədri Eldar Namazovun arasındakı qalmaqala münasibətdə C.Həsənlinin yanında olduğunu bəyan edib.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz