Rəsmi qəzetlər dövlət başçısı İlham Əliyevin səfərləri, görüşləri haqda yazır. Bununla yanaşı bu qəzetlərdə PA rəhbəri Ramiz Mehdiyevin dövlət başçısı İ.Əlievə məddahlıq olan müsahibəsi dərc edilib.
Bundan əlavə, bu qəzetlər bu günlərdə yaradılan “EL” hərəkatı haqqında tənqidi məqalələr dərc ediblər.
“Azadlıq” qəzeti son vaxtlar rəsmi Bakının Qərb dövlətlərinə hücumlarını “hakimiyyətin seçki təlaşı” kimi dəyərləndirir.
Martın 14-də günorta saatlarında oğurlanan “NİDA” gənclər hərəkatının üzvü Rəşad Həsənovun harada saxlanması və nə də təqsirləndirilməsi hələ məlum deyil.
Rəsmi Bakının Amerikaya qəfil hücumlarının səbəblərinə ekspertlər “Əliyevin 3-cü müddət prezidentliyilə bağlı ABŞ ilə anlaşa bilməməsi” şərhini veriblər.
Siyasilər 10 mart aksiyasından sonra rəsmi Bakının güclənən zor siyasətini “iqtidarın tufan önündə dura bilməyəcəyi” kimi dəyərləndiriblər. Keçmiş rektor Elşad Abdullayevin ətrafında olanlar onun bu günlərdə şok effekt yaradacaq video-material yayacağı anonsunu veriblər.
AXCP sədri Əli Kərimli qaynı Elnur Seyidovun əsassız həbsilə bağlı iqtidara “sizinlə mübarizəni mən aparıram, əsəbləriniz dözmürsə cəzanı mənə kəsin” bəyanatını səsləndirib.
“Zerkalo” ekspertlərə istinadən Azərbaycandan dünyanın ofşor zonalarına 200 milyard dolların köçürüldüyünü iddia edir.
“Ekspress”. Müdafiə Nazirliyi mətbuat xidmətinin rəhbəri Eldar Sabiroğlunun orduda əsgər ölümlərinə “bütün ordularda itkilər olur, nə etməli bəzən hadisələrin qarşısını almaq olmur” cavabını verib.
Bakıda binaların düzgün qızdırılmadığını iddia edən ekspetlər çoxmərtəbəli binalarda lazım olandan 2 dəfə artıq enerjinin istehlak olunduğunu bildiriblər.
“Exo” rəsmi statistikanın ölkədə əmək bazarının ancaq üçdə birini əhatə etdiyini yazır və qeyir-formal əmək bazarı, “ikili mühasibat” əhatə olunarsa başqa rəqəmlərin ortaya çıxacağını bildirir.
“Novoe Vremya” rəsmi Bakının son vaxtlar beynəlxalq qurumlara hücumlarına “başqlarının təcrübəsini öyrənək, daha çoxdan keçilmişi təkrar etməyək” mövqeyini ifadə edir.
“Bizim yol” martın 14-də saxlanılan və hələ də harada saxlanması məlum olmayan “NİDA” gənclər hərəkatının üzvü Rəşad Həsənovdan indiyə kimi bir xəbər olmamasına diqqət çəkir.
Parlamentin özəl müəssisələrin yoxlanması ilə bağlı qanunda yoxlayıcı məmurların səlahiyyətlərinin artırmasını nəzərdə tutmasını ekspertlər “sahibkarlığı məhv edəcək qanunun gəlməsi” kimi dəyərləndirirlər.
Qəzet Mədəniyyət, İdman nazirliklərinin icra etdikləri 25 layihənin adlarını, bu layihələrə sərf edilən maliyyə vəsaitlərini göstərərək bunları “iki nazirliyin korrupsiya layihələri” adlandırır.
“Yeni Müsavat” rəsmi Kremlin Azərbaycan iqtidarından 20 milyard və “Xəzər”i tələb etməsini yazaraq faktı “Kremlin reketliyi” adlandırır.
Son vaxtlar rəsmi Bakının ölkədəki beynəlxalq qurumlar üzərinə hücumunu ekspertlər “iqtidarın Qərb təsisatlarının Bakıdakı fəaliyyətini ciddi təhlükə sayması” ilə əlaqələndirirlər.
“Azərboru” Dövlət Müəssisəsi “Bakı Steel Company”yə verilib, şərtlərin bəlli olmaması, fakt barədə Əmlak Komitəsinin susması “müəmmalı” adlandırılır.
Qubada su- kanalizasiya xətləri çəkən 400-ə qədər fəhlə əmək haqlarını ala bilmədikləri üçün rayon İcra Hakimiyyətinin binası önünə yürüş ediblər.
Rəy yaz