Rəsmi qəzetlər dövlət başçısı İlham Əliyevin Şamaxı rayonunda otel açılışında iştirakı haqda xəbəri ilk səhifələrə yerləşdiriblər. Bundan əlavə, bu qəzetlərdə dövlət başçısının qəbulları, “The Business Year” nəşrinə müsahibəsi də yer alıb.
“Azadlıq” qəzeti AXCP sədri Əli Kərimlinin izlənməsi və izləyənlərin kameralara düşməsi xəbərini manjetə çıxarıb.
Deputat Eldar İbrahimovun Azərbaycan torpaqlarının işğalında Rusiyanın günahı olmaması haqda bəyanatını qəzet “deputatın Rusiya sevgisi” adlandıraraq onu Rusiyanın bais olduğu Xocalı faciəsini unutmaqda ittiham edir.
Qəzet Bakıda müxalifət nümayəndələrilə görüşən fransız reportyor Laurent Riçardın Bakı aeroportunda çəkdikləri materialların əlindən alındığını yazır.
Human Rights Watch beyənlxalq hüquq-müdafiə təşkilatı rəsmi Bakını ifadə azadlığını təmin etmək əvəzinə repressiyaları gücləndirməkdə ittiham edib.
QHT rəhbəri Anar Məmmədli məhkəmə prosesində istintaq zamanı müstəntiqin prezidentliyə namizəd Cəmil Həsənliyə dəstək verib-verməmələrilə bağlı suallarına istinadən “aydın oldu ki, bu iş siyasi işdir” bəyanatını səsləndirib.
“Pulumuz yoxdur” deyə “Bank of Azerbaijan”ın əmanətləri qaytarmadığını yazan qəzet bunu bankın müflisləşməsi haqda xəbərlərin ciddi olması adlandırır.
Büdcə vəsaitlərinin yarısının “tikinti-abadlıq” işlərinə xərcləndiyini yazan qəzet ekspertlərin bu faktı investisiya xərcləri vasitəsilə korrupsiya mexanizmləri quraraq vəsaitləri mənimsəmək kimi dəyərləndirirlər.
“Ekspress” yazır ki, “Vedi-1” MMC rəhbərliyi vətəndaşları aldatmaq yolu ilə bir mənzili bir neçə müşrtəriyə sataraq dələduzluğa yol verdiklərinə görə həbsə alınıblar.
“Exo” 3 ay ərzində ölkə banklarının zərərinin 11 dəfə artmasını ilk səhifəyə çəkərək Mərkəzi Bankın ölkədə ziyanla işləyən 9 bankın olması haqda açıqlamasını diqqətə çatdırır.
Qəzet ekspertlərə istinadən Abşeron yarımadasında bağ evinin saxlanması ilə bağlı illik xərclərin 3 min, elit villalarda 5 min manat təşkil etdiyini yazır.
“Novoe Vremya” insan haqlarının kütləvi şəkildə pozulduğu Azərbaycanın Avropa Şurası Nazirlər Kabinetinə sədrliyinə “Dayan, Avropa! Indi qədim dünyada insan haqlarını Bakı müəyyən edəcək” ironiyasını ifadə edir.
“Bizim yol” Türkiyənin Soma daş-kömür mədənində baş vermiş kütləvi insan faciəsilə bağlı xalqın etiraz aksiyaları keçirməsi xəbərini önə çəkib.
Qəzet Ukraynada Azərbaycan diasporunun liderlərindən Rövşən Tağıyevin güllələndiyini yazır.
Ölkənin bank sektorunu təhlil edən ekspertlər bu sektorda defolt təhlükəsi olması xəbərdarlığını ediblər.
“Yeni Müsavat” Avropa İttifaqının siyasi məhbusların azadlığı məsələsini rəsmi Bakının önünə sərt şəkildə qoymasını diqqətə çəkərək rəsmi Bakının inadının Azərbaycana qarşı kampaniyaya çevrilə biləcəyi haqda xəbərdarlıq edir.
Hakimiyyətyönlü “İrəli” gənclər təşkilatının ofisdən məhrum olunması ilə bağlı müxaliftəçi gənclər qəzetə “onlara dərs olsun, kimə və hara qulluq etdiklərini düşünsünlər” açıqlamasını veriblər.
Cəmiyyət
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
Rəy yaz