VTB (Azərbaycan) 11 000 manatadək olan girovsuz nağd kreditlər üzrə illik faiz dərəcələrini aşağı salınmasına dair aksiya keçirir. Aksiya 2014-cü ilin avqustun 1-dək davam edəcəkdir.
Aksiya çərçivəsində illik faiz dərəcəsi 2 bənd aşağı salınmışdır. Beləliklə, hər kəs iş yerindən arayış və şəxsiyyəti təsdiq edən sənədə əsasən illik faiz dərəcəsi - 26 % olmaqla nağd kreditlər əldə edə bilər. Kreditin minimal məbləği 300 manat, kreditin müddəti isə 6 aydan 36 ayadəkdir.
Xatırladaq ki, Bank (VTB) Azərbaycan ASC-nin 11 000 manatadək olan nağd kreditlərin verilməsində müştərilərin sığortalanmasını ləğv etmişdir. Belə ki, Bank VTB (Azərbaycan) ASC-dən nağd kredit almaq üçün borcalanın həyat və əmək qabiliyyətinin sığortalanmasına ehtiyac yoxdur. Kreditlər üzrə sığortanın aradan qaldırılması borcalanın xərclərini xeyli azaldır.
* Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Bank VTB ASC və “AtaHolding” ASC-dir. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bu gün Bank 5 filial və Baş ofisdə yerləşən Müştəri xidmətləri idarəsi ilə təmsil olunub.
®
İqtisadiyyat
-
11 yanvar tarixində Serbiya Prezidenti Aleksandar Vuçiç Azərbaycanın Serbiyaya Şahdəniz yatağında texniki problemlər səbəbilə gündəlik 1,7 milyon kubmetr qaz tədarükünün dayandırılması barədə bildiriş göndərdiyini açıqlayıb.
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
Rəy yaz