Mətbuat-Monitorinq 15.07.14

Rəsmi qəzetlər dövlət başçısı İlham Əliyevin İtaliya səfərinə geniş yer veriblər.

Digər tərəfdən bu qəzetlər mərhum dövlət başçısı Heydər Əliyevin 1969-cu ildə imperiya rəhbərliyi tərəfindən Azərbaycanda vəzifəyə gətirilməsinə aid geniş məqalələr dərc edirlər.

“Azadlıq” qəzeti Azərbaycan ərazisindən keçən, Gürcüstanda əməliyyat nəticəsində ələ keçirilən 3 ton heroinlə bağlı xəbəri önə verərək “hansı məmurlar heroinin qurbanı olacaq?” sualını gündəmə gətirir.

Qəzet 4 ay ərzində ölkədə 31 minə yaxın nikahın bağlandığını, 5 min boşanmanın olduğunu nəzərə çatdırır.

Ramazan bayramı münasibətilə 4 gün qeyri-iş günü olması nəzərdə tutulur.

12 saylı həbsxanada cəza çəkən bir qrup məhbusun Əliyevə müraciət edərək həbsxanaya dəvət etməsini xatırladan qəzet dustaqlardan Ceyhun Hüseynovun buna görə ölümcül döyüldüyünü və ölüm ayağında olmasını nəzərə çatdırır.      

Gəncədə fəaliyyət göstərən QHT rəhbəri Həsən Hüseynlinin 6 il müddətinə azadlıqdan məhrum olunmasını ekspertlər “vaş verənlərin Stalin dövrünü  xatırlatması və ölkənin həmin dövrə qayıtması” adlandırırlar.

Böyük Britaniyanın “The Guardian” qəzeti Bakıda iri layihələrə milyardlar xərcləndiyi halda təqaüdçülərə normal insan kimi yaşamaq üçün maliyyə vəsaitinin verilməməsini tənqid edib.

“Ekspress”  erməni tərəfin Azərbaycanı Kəlbəcərə hücum etmək kimi “təxribat”da ittiham etməsini ilk səhifəyə çıxarıb.

Moskvada Rusiya vətəndaşını qətlə yetirməkdə suçlanaraq ittiham edilən Orxan Zeynalov heç kimi öldürmədiyini, fiziki zorakılıq nəticəsində əleyhinə ifadə verdiyini açıqlayıb.

“Exo”  ölkə banklarının sabitlik durumuna toxunaraq ekspertlərə istinadən yalnız bankların 10%-nin stress-testlərini uğurla verə biləcəyini, yüksək təmərküzləşmənin buna mane olduğunu nəzərə çatdırırlar.

“Novoe Vremya”  Azərbaycandan keçən irihəcmli heroinin Gürcüstanda ələ keçməsinə “izlər hara aparır?” sualı ilə ölkənin hüquq-mühafizə orqanlarını ittiham edir.

“Bizim yol”  yazır ki, Azərbaycandan keçərək Gürcüstanda ələ keçən heroinlə bağlı araşdırmaları Gürcüstan tərəfi Türkiyədə də araşdıracağını bildirib.  

Ölkənin bank sistemində kredit faizlərinin aşağı salınmasının mümkünlüyü ilə bağlı ekspertlər kredit faizlərini aşağı salmaq üçün ilk növbədə xarici bankları ölkəyə buraxmağın lazım gəldiyini bəyan edirlər. 

“Yeni Müsavat”  Azərbaycan ərazisindən keçərək Gürcüstanda tutulan 3 ton heroinin FAB şirkətinə məxsus , elə FAB boyası qablarında daşınmasını ilk səhifəyə çıxarıb.

Tanınımış fizik Elman Şahverdiyev AMEA-ya keçirilən seçkiləri saxta sayaraq ləğv olunmasını istəyib, AMEA rəhbərliyini saxtakarlıqda ittiham edib.