Azərbaycan bayrağı Parisdə hərbi paradda

Azərbaycan Silahlı Qüvvələrinin nümayəndələri Fransanın Milli Bayramı- Bastiliyanın alınması günü münasibətilə Parisdə hərbi paradda iştirak ediblər. Tədbirə dünyanın 77 ölkəsindən nümayəndə heyətləri qatılıb. Tədbirdə iştirak edən Azərbaycan nümayəndə heyətinə

ikitərəfli iqtisadi komissiyanın rəhbəri, maliyyə naziri Samir Şərifov rəhbərlik edib.

İyulun 14-də axşam Fransanın Mill Bayramı münasibətilə təşkil edilən qəbul zamanı bu ölkənin səfiri Paskal Monye ikitərəfli münasibətlərin dinamik inkişafını qeyd edib. Əvvəlki bayramdan ötən müddətdə Fransa hökumətinin nazirlərinin rəhbərlik etdiyi iki nümayəndə heyəti Azərbaycana heyəti gəlib.

Mayda Fransa prezidenti Fransua Ollandın rəsmi səfəri olub. Səfər zamanı bir sıra mühüm hökumətlərarası sazişlər imzalanıb.

İki ölkə arasında münasibətlər təkcə siyasi və energetika sahəsində deyil, qeyri-neft sektorunda da intensivləşir.

Səfir diqqəti mədəni sahədə əlaqələrin genişləndirilməsinə yönəldib.

Öz növbəsində Ailə, Qadın və Uşaq Problemləri üzrə Dövlət Komitəsinin rəhbəri Hicran Hüseynova Azərbaycan prezidentinin salam və təbriklərin çatdıraraq deyib ki, Bakı dünyanın aparıcı dövlətlərindən biri olan Fransa ilə tərəfdaşlığa mühüm önəm verir. Bundan əlavə, Fransa ATƏT-in Minsk Qrupunun həmsədri kimi

Qarabağ münaqişəsinin nizamlanmasına səy göstərir. O, təhsil və mədəniyyət sahəsində əlaqələrin inkişaf etdiyini vurğulayıb.

Tədbirdə gənc azərbaycanlı rəssamların əl işləri təqdim olunub, onlara xatirə diplomları verilib.   –06D--