Mətbuat-Monitorinq 15.08.14

Rəsmi qəzetlər dövlət başçısı İlham Əliyevin Bərdə rayonunun Mollaisalar-Vəliuşağı-Millaəhmədli-Sərkarlar avtomobuil yolunun çəkilməsi ilə bağlı 5,8 milyon manat vəsaitin ayrılması, bəzi qanunlıara dəyişikliklərin olunması haqda xəbərləri ilk səhifələrə yerləşdiriblər.

“Azadlıq” qəzeti  “The Washinqton Post” qəzetinin Azərbaycandakı repressiyalardan yazması və İlham Əliyevin bununla özünü Putinə bənzəməsi məsələsini manjetə çıxarıb.

Bazel institutu Anti-Pulyuma indeksinə görə, Azərbaycanın 6,46 bal topladığını qeydə alıb, bu isə ölkənini çirkli pulların yuyulması üçün “riskli ölkələr” sırasında yer almasıdır.

Ölkənin tanınmış hüquqşünaslarının fikrincə, vəkil İntiqam Əliyevin həbsi 71 şikayəti Avropa Məhkəməsinə çıxarması ilə bağlıdır.

Həbsdə olan NDQ-nin keçmiş komandanı Şahin Sultanovun həbsində hərbi prokuror Xanlar Vəliyevin maraqlı olduğunu, HDQ-də aparlan yoxlamaların isə “planlaşdırılmış təxribat” olduğu bildirilir.

Yardımlıda qanunsuz narkotik maddə dövriyyəsilə bağlı qrup həbs olunub, rayon polis şöbəsinin rəis müavini Vidadi Əhədovun adı cinayətə cəlb olunanlar sırasında çəkilir.

“Ekspress”  parlamentin komitə sədri Əli Hüseynlinin Qərbin ancaq enerji maraqlarına görə Qarabağ məsələsilə maraqlanması ittihamını önə verib.

Azərbaycan HHQ-nin təlimlərində “Buk”lardan atəş açılmasını qəzet “İrəvana raket mesajı” kimi dəyərləndirir.

“Exo”  ekspertlərə istinadən az yağıntının düşməsi üzündən bu il ölkədə payız məhsulunun az olacağı barədə xəbərdarlıq edir.

Mərkəzi Bank ölkədə pul əmanətlərinin 92%-nin Bakıda cəmləşməsi haqda açqlama verib.

“Novoe Vremya”  parlamentin komitə sədəri Əli Hüseynlinin beynəlxalq qurumların Azərbaycanda qanunlara hörmətsiz yanaşması ittihamına yerli hakimlərin də hüquqi prinsiplərə hörmətsiz yanaşması mövqeyini ilk plana çıxarıb.

“Bizim yol”  ABŞ və Fransa prezidentlərinin Azərbaycan və Ermənistan dövlət başçılarını bu ilin payızında Parisdə görüşdürəcəyi xəbərini ilk səhifəyə çəkib.

QHT-lərə Dövlət Dəstəyi Şurasnın sədri Azay Quliyev siyasi məhbus məsələsinin həllilə bağlı İşçi Qrupun fəaliyyətinin bərpasını vacib adlandırıb.

“Yeni Müsavat”  Azərbaycanın öz ərazilərini işğaldan azad edə bilmək üçün bir il sürəcək əlverişli dönəmə girdiyini önə çəkərək burada ləngimənin təhlükəli ola biləcəyi xəbərdarlığını edir.

Bir qrup ilahiyyatçı işğalda olan torpaqların azad olunması üçün müharibəyə başlamaq barədə bəyanat yayıb və bəyanatı 27 din xadimi imzalayıb.

QHT rəhbəri Qubad İbadoğlu ölkədə bir sıra QHT-lərə qarşı cinayət işinin qaldırılmasına ittihamların saxta olması, bu işlərin çoxdan planlaşdırılması şərhini verib.