“Azadlıq” qəzeti Bakının tarixi “Sovetski” məhəlləsində evləri sökülən sakinlərin verilən kompensasiyaların azlığına etiraz olaraq aksiya keçirməsini ilk plana çəkib.
Mənzillərin sökülməsilə bağlı vətəndaşlara ödənən kompensasiyanın azlığına ölkə siyasiləri “bu pula şəhərin kənarında belə ev almaq mümkün deyil” şərhini veriblər.
“Elektron məhkəmə informasiya sistemi” yaradılmasına dair sərəncama ekspertlər “bu iqtidarın dövründə müstəqil məhkəmə hakimiyyəti olmayacaq” spektik yanaşmasını ifadə ediblər.
Bakı sallaqxanalarda kəsilən heyvanların qanları Xəzər dənizinə axıdılır, aidiyyatı qurumlar bununla bağlı tədqiqata başlayıblar.
Xalq Cəbhəsi Partiyasının Bakı müşavirəsində “iqtidarın yarıtmaz siyasəti nəticəsində ölkənin idarəolunmaz hala gəlməsi” qənaəti ifadə edilib.
“Bizim yol” parlamentin təsdiqindən sonra dövlət büdcəsində 2015-ci ildə keçirilməsi gözlənilən Avropa Olimpiya Oyunları ilə bağlı ayrıca milyard manatlıq “olimpiada bölməsi” yaradıldğını manjetə çıxarıb.
“Yeni Müsavat” Bakinin tarixi “Sovetski” məhəlləsi sakinlərinin evlərinin sökülməsi müqabilində ədalətli kompensasiya tələbilə keçirdikləri etiraz aksiyasını ilk səhifəyə çıxarıb.
Qəzet son 3 ayda idxal mafiyasının 20 təmsilçisinin müxtəlif regionlarda eyni vaxtda 700 şirkət təsis etməsi, bu şirkətlər vasitəsilə ötürülən mallar üzrə ödənilən dəyər vergisinin sonrakı mərhələdə nağdlaşdırılməsı haqda yazır.
Qəzetin yazdığlna görə, beynəlxalq axtarışda olan bəzi Azərbaycan vətəndaşları təqiblərdən qurtarmaq üçün Suriyada mücahidlərin saytlarında özlərini “öldürülmüş” adlandıraraq yeni ad və soyadla şəxsiyyət vəsiqəsi almağa çalışırlar.
Avstriya Mərkəzi Bankının törəmə “OeBS” şirkətinin banknot çapı üçün Azərbaycan və Suriyadan rüşvət alması faktı üzrə başlanacaq məhkəmə prosesinin Elman Rüsətmova baha başa gələcəyi xəbərdarlığı edilir.
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz