Mətbuat-Monitorinq 16-17.12.12
Rəsmi qəzetlər dövlət başçısı İlham Əliyevin Füzuli rayonuna səfəri, oradakı bir sıra obyektlərin açılışında iştirakı haqda yazırlar.
“Azadlıq” qəzeti keçmiş rektor Elşad Abdullayevin yaydığı video görüntülərdə hay-küylü “deputatlıq rüşvəti” olayının əsas fiquru, keçmiş deputat Gülər Əhmədovanın PA-nın rəhbəri Ramiz Mehdiyevin tələbilə YAP-dan xaric edildiyini yazaraq faktı G.Əhmədovanın həbsinə hazırlıq adlandırır.
Xalq artisti, aktrisa Şəfiqə Məmmədovanın oğlu Ülvi Mehdi “Art For Democracy”nin tədbirində iştiraka görə Nəsimi rayon polisi tərəfindən saxlanılıb.
Deputat Yevda Abramov 1 mart Quba olayları ilə bağlı məhkəmə proseslərində vətəndaşlara 5-6 il həbs cəzası qərarının ağır cəza olduğunu bəyan edib.
Qarşıdakı prezident seçkilərində vahid namizədin kim olması ilə bağlı qəzetdə dərc edilən yazılarda AXCP sədri Əli Kərimlinin namizədliyi dəstəklənir.
“Yeni Müsavat”. ABŞ dövlət katibinin köməkçisi Tomas Melianın qatıldığı “Demokratiya naminə incəsənət” kampaniyasının təqdimatından sonra xarici diplomatların sənədləri oğurlanıb. Qəzet bu faktın Azərbaycanla qalmaqal yaradacağını bildirir.
Qəzet Prezident Administrasiyasının büdcəsinin Nazirlər Kabinetindən 8, parlamentdən 3,3 dəfə çox olduğunu, bir alimə ildə 9125 manatın xərcləndiyi halda PA-nın bir işçisinə 124 min manatın xərcləndiyini yazaraq bu qurumun imtiyazlı quruma döndüyünü bildirir.
Müsavat Partiyasının başqanı İsa Qəmbərin tərəfdarları qarşıdakı prezident seçkilərilə bağlı müttəfiqlərinə “İsa Qəmbər seçilməyəcəksə, onda heç kim seçilməyəcək” xəbərdarlığını və mesajını ünvanlaıblar.
Müsavat Partiyası funksioneri Arif Hacılı ABŞ Dövlət Departamentində Qarabağ problemilə məşğul olan ofisin bağlanmasını “iqtidarın uğursuz siyasətinin məntiqi nəticəsi” adlandırır.
“Bakı Xəbər” İranın yeni paytaxtının əsasən Azərbaycan türklərinin mərkəzi şəhəri Təbriz ola bilməsi haqda İrandakı açıqlamaları “Təbrizin başında farslaşdırma təhlükəsi” kimi dəyərləndirir.
Qəzet Azərbaycanın hərbiləşdirmə arqumentinin gücləndirilməsini “Sülh yolu ilə Qarabağ” kursundan əl üzməsi kimi dəyərləndirir.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz