Dini Qurumlarla İş üzrə Dövlət Komitəsi (DQİDK), Dialoq və Əməkdaşlıq Uğrunda İslam Konfransı Gənclər Forumu (DƏUİKGT) dekabrın 19-21-də Bakıda “Dövlət və Din: dəyişən dünyada tolerantlığın gücləndirilməsi” I Beynəlxalq Bakı Forumunu keçirəcək. Bu haqda Turan-a Dini Komitədən məlumat verilib.
Foruma dünyanın müxtəlif ölkələrinin din siyasəti ilə məşğul olan rəsmi şəxsləri, dinşünaslar, ilahiyyatçılar qatılacaq. Həmçinin tədbirdə Türkiyə, Misir, İran, İordaniya, Malayziya, Küveyt kimi islam ölkələrilə yanaşı, Böyük Britaniya, ABŞ, Fransa və Rusiyadan din xadimləri, rəsmi şəxslər və mütəxəssislər iştirak edəcəklər.
Forumda “Tolerantlıq: konsepsiya və ictimai baxış”, “Dövlət-din münasibətlərində müasir meyllər”, “Milli və dini kimliyin vəhdəti: dövlət-din münasibətlərinin Azərbaycan modeli”, “Tolerantlıq və ifadə azadlığı”, “Universal dialoq axtarışında” adlı 5 plenar iclasın keçirilməsi gözlənilir.
Forum çərçivəsində qonaqlar İçərişəhərdə dini-mədəni abidələrlə tanış olacaqlar, “Tolerantlıq ünvanı - Azərbaycan” adlı foto sərgidə iştirak edəcəklər. Forumun sonunda Bakı Xartiyası qəbul olunacaq. -05D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz