![TANAP-ın işə düşməsinin dəqiq vaxtı sual altındadır](https://turan.az/resized/media/2012/main/121700021655-750-500-resize.webp)
TANAP-ın işə düşməsinin dəqiq vaxtı sual altındadır
Transanadolu qaz kəməri (TANAP) istər Türkiyə, istər Azərbaycan üçün strateji hədəfdir, deyə SOCAR-Turkey Enerji A.Ş şirkətinin rəhbəri Kənan Yavuz CNBCE telekanalına müsahibəsində bildirib.
Şirkət rəhbərinin sözlərinə görə, TANAP 5 ilə həyata keçirilməlidir. İstismarına 2018-ci ildə başlanılacaq.
Layihə “Şahdəniz” qazının Türkiyə vasitəsilə Avropaya nəqlini nəzərdə tutur. Kəmərin ilkin buraxılış qabiliyyəti ildə 16 mlrd m3 olacaq. Bunun 6 mlrd m3-i Türkiyənin daxili bazarına, qalanı Avropaya tədarük ediləcək.
Amma layihənin icrası çox mürəkkəb məsələnin həllini tələb edir. Məsələ burasındadır ki, TANAP, “Şahdəniz” qazının Avropaya nəqli üçün digər kəmər (Nabucco West və ya ТАР) və Cənubi Qafqaz qaz kəmərinin genişləndirilməsi sinxron həyata keçirilməlidir. Müxtəlif konsorsiumların paralel olaraq üç boru kəmərini (ümumi uzunluq 3500 km) eyni vaxtda tikməsi asan məsələ deyil. Bunların birinin cədvəldən kənara çıxması bütün layihəni poza bilər. Ona görə TANAP-ın istismara veriləcəyi tarixi indi dəqiq demək çətindir.
TANAP 2011-ci ildə elan edilib. Boru kəmərinin planlaşdırılan gücü ilkin mərhələdə, 16 mlrd m3, ikinci mərhələdə 23 mlrd m3 (2023-cü il) 2026-cı ildə 31 mlrd m3, yekun mərhələdə 60 mlrd m3 olacaq. Bu kəmər türkmən qazını da qəbul edəcək.—12D--
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz