Rəsmi və hökumətyönlü qəzetlər dövlət başçısı İlham Əliyevin sədrliyi ilə Nazirlər Kabinetində keçirilmiş iclas haqqında ətraflı yazıblar. Bundan əlavə, “Yeni Azərbaycan” qəzeti yanvarın 13-də Lənkərana gedən Müsavat Partiyasının başqanı İsa Qəmbərə və partiya nümayəndə heyətinə qarşı törədilən cinayəti “şəhid ailələrinin etirazı” sayıb, son zamanlar ictimai fəallıqları ilə seçilən Rüstəm İbrahimbəyovu, keçmiş deputat Gültəkin Hacıbəylini, Eldar Namazovu aşağılayan yazılar dərc edib.
“Azadlıq” qəzeti ölkənin hakim dairəsində PA rəhbəri Ramiz Mehdiyevin, yoxsa onun müavini Əli Əsədovun birinciliyini tanımaq kimi seçimin dayanmasını “iqtidarın çətin seçim qarşısında qalması” adlandırır.
12 yanvar aksiyasında iştiraka görə bir qrup gəncin yüksək cərimə cəzası almasına tarixçi-professor Cəmil Həsənli “cərimələr qüvvədə qalsa bir nəfərin cəriməsini mən ödəyəcəyəm” bəyanatını verib.
Deputat Fəzail Ağamalının 12 yanvar aksiyasında iştiraka görə maliyyə cəzası alan bir qrup gəncın barəsində cəriməni ödəməsələr bulvarda şokolad kağızlarını yığışdırmalı olacaqlar” kimi təhqirinə gənclər “bulvarda şokolad kağızı yığmaq saxta mandat almaqdan daha şərəfli işdir” cavabını veriblər.
Son zamanlar ictimai fəallığı ilə seçilən tanınmış ziyalı və ictimai xadim Rüstəm İbrahimbəyovun sədri olduğu Kinematoqrafçılar İttifaqına qarşı Vergilər Nazirliyində cinayət işi başlanıb.
12 yanvar “Əsgər ölümlərinə son” aksiyasında iştirraka görə bir qrup gənc toplam 10.500 manat cərimə olunub. Bu məbləğ hərbi xidmətdə vəfat edən əsgərə verilməli olan sığorta pulu qədərdir. Oğlu hərbi xidmətdə ölən Abasət Əliyev bunu “hərbi xidmətdə ölənlərin sığortasını iqtidarın fəalların hesabına ödəmək istəməsi” adlandırır.
Rəsmi Tehran Azərbaycan türkcəsində lövhələrin yayılması ilə bağlı qadağaları sərtləşdirib.
“Zerkalo”. Qusarın bir neçə kəndində və rayon mərkəzində əsasən vəhabilərin toplandıqları məscidlər yerli bələdiyyə və icra nümayəndəlikləri tərəfindən bağlanıb.
“Ekspress”. Etiraz aksiyasında iştiraka görə yüksək cərimə cəzası alan gənclərin cərimələrinin ödənilməsi üçün ictimai kampaniyanın başlanmasını parlamentin komitə sədri Əli Hüseynli “gənclərin qanuna hörmətlə yanaşmaları” adlandırıb.
“Exo”. Bakıdakı yeni hündürmərtəbəli binalarda mənzilin hər kvadrat metri üçün ən ucuz ödəniş 400-500 manat təşkil edir.
“Novoe Vremya” yanvarın 13-də Lənkərana gedən Müsavat Partiyasının başqanı İsa Qəmbərə və nümayəndə heyətinə olan basqı ilə əlaqədar Amnesty İnternational-ın “bu basqın ədalətli seçkilərin olacağından xəbər vermir” bəyanatına “kimsə ədalətli seçkilər vədi vermişdi ki? ” sualı ilə qarşılıq verir.
“Bizim yol” hərbi ekspertlərə istinadən müdafiə nazirinin indiyə kimi həlak olan əsgərlərin ailələrinə bir dəfə də olsun başsağlığı verməməsinə diqqət çəkərək bunu əsgərə hörmətsilik sayır.
“Yeni Müsavat” yazır ki, “deputatlıq rüşvəti” videosunda adı vasitəçi kimi keçən mərhum Sevinc Babayevanı Türkiyədə qarşılayan Səlcuq Ağlayan istintaq başa çatana kimi S.Babayevanın ölümü ilə bağlı hər hansı açıqlama verməyəcəyini deyib.
Yanvarın 13-də Lənkərana səfəri zamanı Müsavt Partiyasının başqanı İsa Qəmbərin nümayəndə heyətinin basqına məruz qalmasına toxunan qəzet buna rəhbərlik edənlərdən birinin oğlu ev oğrusu, özü YAP üzvü olan Xeybər Xosrovovun olduğunu yazır.
Qəzet Balaxanı su anbarlarının tikintisində işlərin dayanmasını tikiləcək 8 anbarın pulunun mənimsənilməsilə bağlı olduğunu nəzərə çatdırır.
Cəmiyyət
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
-
Azərbaycanın Milli Hidrometeorologiya Xidməti fevralın 11-də ölkə ərazisində əsasən quru və soyuq hava şəraitinin müşahidə olunacağını, Bakıda və Abşeron yarımadasında isə arabir buludluluğun artacağını proqnozlaşdırıb.
Rəy yaz