Azərbaycanda SSRİ ənənələri yaşayır
Yeni Azərbaycan Partiyasının sıralarında olan informatika müəllimlərinə, dərs hissə müdirlərinə, hələ məktəb direktorlarını demirik, yanvarın 15-də mərkəzləşdirilmiş qaydada bildirilib ki, onların nəinki öz biliklərinə, hətta mövcud olmalarına görə borclu olduqları sevimli prezidentlərinə qarşı OCCRP xarici qeyri-hökumət təşkilatı və “Azad Avropa” radiostansiyası “kompromat” toplayıblar və təmiz adamı dünyada 1 nömrəli korrupsioner elan ediblər.
Bunun ardınca partiya və hökumətə təşəkkür məktubunun, Azərbaycanın düşmənlərinin dəyirmanına su tökən “dünya erməniləri ilə əlbirlərə” qarşı etiraz məktubunun hazırlanması qarşıya vəzifə olaraq qoyulub.
Təlimatçılar hazırlanmış mətnləri verməyərək bildiriblər ki, drew@occrp.org, levisonya@rferl.org, zvanersma@rferl.org, info@iftf.org ünvanlarına müxtəlif səmimi məktublar yollamaq lazımdır.
Sov.İKP MK-nın sonuncu baş katibi də yada salınaraq, Qorbaçov Fondunun mgorbis_twitter səhifəsini də müəllimlərin diqqətindən kənarda qoymayıblar. Dövlət başçısının “təmizə çıxarılması” kampaniyası bir ay davam edəcək. Bu barədə Turan-a məlumatlı mənbələr bildiriblər. Yeni gəlmişkən, 1983-cü ildə Heydər Əliyev SSRİ Nazirlər Sovetinin sədr müavini vəzifəsində çalışmağa yeni başlamışdı ki, Moskvaya “zəhmətkeş kütlələr”dən 2 vaqon narazılıq teleqramı göndərilmişdi.
Xatırladaq ki, 2012-ci ilin yekunları üzrə Azərbaycan prezidenti ilk dəfə olaraq OCCRP - (mütəşəkkil cinayət və korrupsiya haqqında reportaj) beynəlxalq layihəsinin sorğusuna əsasən “İlin adamı” adlandırılıb. Müxtəlif ölkələrin bir qrup KİV və QHT tərəfindən təsis edilən bu mükafat cinayətkarlıq və korrupsiya tarixində görkəmli yer tutan şəxsə verilir.
OCCRP-nin məlumatında deyilir ki, İ.Əliyev ona görə seçilib ki, bu il onun ailəsinin müxtəlif sahələrdə - telekommunikasiya, faydalı qazıntılar, inşaat və sənaye - dövlət sövdələşmələri vasitəsilə böyük şəxsi mənfəət əldə etməsi barədə çoxsaylı faktlar məlum olub. 2012-ci ildə OCCRP və “Azad Avropa”nın araşdırmaları göstərib ki, onun ailəsi ölkənin iri müəssisələrində, o cümlədən banklar, tikinti və telekommunikasiya şirkətlərində, qızıl mədənlərində gizli pay mülkiyyətinə malikdir. Həmçinin onlar xaricdə gizli olaraq daşınmaz əmlak alıblar.
Azərbaycan hökuməti bu ittihamlara susmaqla cavab verib. Rəsmi Bakının dünyada öz imicini yaxşılaşdırmaq üçün “canfəşanlıq etdiyi” bir vaxtda bu ilin hesabatlılığı “kiçik diktatura”nın mənzərəsini çəkir. -0—
-
- Cəmiyyət
- 16 Yanvar 2013 10:29
-
- İqtisadiyyat
- 16 Yanvar 2013 10:47
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz