Mətbuat-Monitorinq 16.04.14

Rəsmi qəzetlər

“Azadlıq” qəzeti rəsmi Bakının vəhabilik, nurçuluq, xəvaricilik və təkfirçilik kimi cərəyanlara qarşı mübarizəyə başlamasını “hökumətdən dini təriqətlərə” hücum əmri” sayaraq manjetə çıxarıb. Qəzet Göyçayda “nurçu”lara qarşı əməliyyat keçirildiyini nəzərə çatdırır və son günlərdə 100-dən çox “nurçu”nun saxlandığını yazır.

Həbsdə olan jurnalist Pərviz Həşimli MTN təcridxanasında aclıq aksiyasına başlayıb. Buna səbəb məhkəmə prosesində MTN təcridxanasında təzyiqlərə məruz qalması haqda danışmasıdır.

AXCP gəncləri sosial şəbəkələr vasitəsilə siyasi məhbusların azad olunmaları ilə bağlı aprelin 14-dən “azad et” kampaniyasına başlayıblar.   

Naxçıvan sakini Nazim Məmmədov ailəsini dağıdan polis əməkdaşı üzündən ağ kəfənlə Ermənistana keçmək istəyib.

Təhsil naziri icra başçlarını orta məktəblərə aid ərazilərin əzbt olunmasına şərait yaratmaqda ittiham edib.

Ekspertlər İranın Azərbaycandakı səfiri Möhsün Pakayinin İranla Azərbaycan arasında “üçüncü qüvvəyə qarşı” razılaşmanı əldə olunması haqda bəyanatını “Azərbaycanı zərbə altında qoyan bəyanat” kimi şərh edirlər. 

“Zerkalo”  Ukrayna hadisələrini önə çəkərək Krımı işğala görə Rusiya mallarının boykotunun genişləndiyini yazır.

Qəzet Suriyada döyüşən “Sumqayıt camaatı”nın əmiri Aqil Hacıyevin “əl-Nusra” yaraqlıları tərəfindən əsir götürüldüyünü və edam olunacağını bildirir.

“Ekspress”  İran Azərbaycan münasibətlərini önə çəkərək Azərbaycan tərəfin “heç vaxt üçüncü bir ölkənin hərbi bazalarına ev sahibliyi etməyəcəyi” barədə bəyanatını “İranı məmnun edən bəyanat” adlandırır.

Türkiyə prezidenti Abdullah Gül öz ölkəsinin  Krımı heç zaman Rusiya ərazisi kimi tanımayacağını bəyan edib.

“Exo”.  Azərbaycanın silahlanma ilə bağlı xərclərinin ilbəil 3-10% artdığını söyləyən  ekspertlər silahlanmaya olan xərclərin azaldılmasının lazım gəldiyini iddia edirlər.

“Novoe Vremya”  müdafiə naziri Zair Həsənovun İranda verdiyi “İsrail İrana Azərbaycandan hücum edə bilməz” bəyanatını ilk səhifəyə çıxarıb.

Qəzetin iddiasına görə, Avropa Birlyinin Azərbaycanı yeni proqramlara cəlb etmək səylərini “Azərbaycanı öz geosiyasi orbitinə daxil etmək” cəhdləri kimi dəyərləndirir.

“Bizim yol”   Qafqaz Müsəlmanları İdarəsinin nurçuluq, vəhabilik, xəvaricilik və təkfirçilik kimi cərəyanların ölkədə qadağan olunması tələbini irəli sürdüyünü diqqət mərkəzinə çəkir.

Hakim Rauf Əliyevin həbs etdirdiyi sürücü İlqar Paşayevin qardaşı hakimin polis oğlunun qardaşına işgəncə verdiyini bəyan edib.

Qəzetin yazdığına görə, Bakının “Sulutəpə” qəsəbəsində yenidən evlərin sökülməsinə başlanılıb.

“Yeni Müsavat”ın iddiasına görə, rəsmi Bakı beynəlxalq qurumların tələbilə Bakıda mer institutu və Bakı bələdiyyəsinin yaradılmasına razılıq verib və qəzet bunu “Bakı meri Hacıbala Abutalıbovun yola salınması” adlandırır.  

Qəzet rəsmi Bakının ölkədə “nurculuq”a qarşı mübarizəyə başladığını, yüksək vəzifələrdə olan “nurçu”ların adlarının aşkara çıxarıldığını, Dini Komitənin bu təriqətə aid kitabların ekspertizasını keçirəcəyini nəzərə çatdırır. Həm də qeyd olunur ki, deputat Ceyhun Osmanlının atası, Göyçay rayon icra hakiminin müavini Yunis Osmanlının bağ evindən “nurçular” dərsanələr (hazırlıq kursları) kimi istifadə edirlər. Qəzet dini komitənin nəzarətdən kənarda qalan, şübhəli fəaliyyəti olan dini icmalarla bağlı yoxlamalara başladığını da nəzərə çatdırır.