Salyanda fəaliyyət göstərən “Demokratiyaya yardım” QHT-nin üzvü Tofiq Qasımov müstəqil vəkil Əlaif Həsənovun xidmətlərindən imtina edib. Bu barədə Turan-a vəkil Həsənov özü bildirib.
Xatırladaq ki, Qasımov aprelin 4-də kiçik xuliqanlıq ittihamı ilə 10 gün inzibati həbs cəzasına məhkum edilib. Həbs müddəti aprelin 14-də başa çatıb, lakin o, sərbəst buraxılmayıb və fəala qarşı 182.1-ci (zorla pul tələb etmə) maddə ilə cinayət işi açılıb.
Aprelin 14-də vəkil Həsənov Bakıdan Salyana yola düşüb. Amma onu məhbusun yanına buraxmayıblar.
Aprelin 15-də vəkil prokurora müraciət etdikdən və uzun süründürməçilikdən sonra vəkil Qasımovla görüşə bilib.
“Qasımovun saxlandığı yerdən görüşümüzün baş tutduğu istintaq şöbəsinin müdirinin otağına qədər cəmi 3-5 metr məsafə var idi. Amma Qasımovun oraya gətirilməsi prosesi bir saat yarım çəkib”, deyə vəkil bildirib.
Həsənovun sözlərinə görə, Qasımov onun xidmətlərindən imtina edib və vəkil məsələsini əmisinin həll edəcəyini deyib.
“Qasımovun təzyiq altında olduğu hiss olunurdu. Mən hələ dünən ona və qohumlarına təzyiq göstərildiyini hiss etdim. Onlar uzun müddət mənimlə müqavilə bağlamaq istəməyiblər. Baxmayaraq ki, Qasımov hələ inzibati qaydada həbs edildikdə onun hüquqlarının müdafiəsi haqqında müqaviləni özləri imzalamışdılar”, deyə Həsənov bildirib.
Onun sözlərinə görə, hələlik Qasımov barəsində qətimkan tədbiri seçilməyib və o, şübhəli şəxs statusundadır. Saxlamna haqqında qərarın müddəti aprelin 16-da başa çatır.
Bir müddət əvvəl “Demokratiyaya yardım” QHT-nin rəhbəri Emil Məmmədov Qasımova qarşı təxribat törədildiyini və polisin ona və Məmmədovun özünə qarşı saxta iş hazırladığını bildirib. Belə ki, yerli müəssisələrin və idarələrin rəhbərləri polisə çağırılaraq, fəallara qarşı ifadə vermələri tələb olunub.
“Demokratiyaya yardım” QHT cənub bölgəsində ən fəal vətəndaş cəmiyyəti institutlarından biridir. Onun rəhbəri Məmmədov dəfələrlə rayon hakimiyyət qurumlarında korrupsiya faktlarının üstünü açıb, habelə yerli sakinlərin mülki hüquqlarını müdafiə edib. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz