Rəsmi qəzetlər dövlət başçısı İlham Əliyevin Sumqayıtda çoxmənzilli binaların dam örtüklərinin dəyişdirilməsilə bağlı 5 milyon manatın ayrılması, Müdafiə Sənayesi Nazirliyinin bir qrup işçisinin dövlət mükafatları ilə təltif edilmələri haqda sərəncamların mətnlərini ilk səhifələrdə yerləşdiriblər.
“Azadlıq” qəzeti ölkənin ictimai-siyasi həyatındakı neqativlərlə bağlı hadisələr və onlara şərhlərə üstünlük verib. Belə ki, qəzet MTN-in keçmiş şefi Eldar Mahmudovun baş nazir olmaqla bağlı məxfi planının olması iddiasını manjetə çıxarıb.
Milli Şuranın Koordinasiya Mərkəzinin üzvü Eldəniz Quliyev “MTN işi” fonunda rəsmi Bakının ölkənin idaretmə siyasi kursunu “ iqtidarın ölkəni təhlükəyə aparması” adlandırır.
Sahibkarlara qanunsuzluğa görə Vergilər Nazirliyinin 2015-ci ildə 700 nəfər əməkdaşını cəzalandırması “korrupsiya bulaşma səviyyəsinin göstəricisi” sayılır.
“Planeta parni iz Baku” rəhbərliyi bəzi telekanalların onlara nazirlərin uşaqlığı, gülüş hədəfinə çevrilən polis, gömrük, vergilə bağlı tənqidi səhnələri “kəsəcəkləri” barədə xəbər göndərdiklərini bildiriblər.
Kremlin “erməni soyqırımı”nı tanımayanları cinayət məsuliyyətinə cəlb etməyə hazırlaşması ilə bağlı AXCP sədri Əli Kərimli daim Rusiyanı strateji müttəfiq sayan rəsmi Bakıya “bunlar idi sizin strateji müttəfiq?” sualını ünvanlayır.
“Ekspress” rəsmi Bakının həmsədr Uorlikin “davranışı” ilə bağlı ABŞ-a nota verməsini önə çəkib.
Dini Komitənin sədri Mübariz Qurbanlı Nardaran sakinlərinə ibadət üçün kənd məscidlərinə toplaşmağa icazə verilməməsini “məscidlərin qanunsuz fəaliyyət göstərməsi” kimi “məntiqli” arqumentlə izah edib.
“Exo” neftin dəyərdən düşdüyü indiki halda ekspertlərə isnadən kənd təsərrüfatı, tikinti materialları istehsalı kimi yaxşı gəlir gətirə biləcək sahələri inkişaf etdirməyi təklif edir.
“Novoe Vremya” SOCAR-ın xərclərini kəskin azaltmasına “SOCAR böhran olduğunu elan etdi” yanaşmasını diqqət mərkəzinə çəkib.
“Bizim yol” ABŞ Federal Ehtiyat Sisteminin dolların bahalaşma qərarı verəcəyini ilk səhifədə yerləşdirib.
Bakının ticarət mərkəzlərinin boşaldığını yazan qəzet icarə haqları kəskin aşağı düşsə də obyektlərə maraq göstərənlərin tapılmadığını bildirir.
“Yeni Müsavat” “İŞİD”ə qarşı yaratdığı koalisiyada yer alması üçün Səudiyyə Ərəbistanının rəsmi Bakıya dəvət göndərməsini ilk səhifəyə çıxarıb.
“Nardaran hadisələri” fonunda Demokrat Partiyasının sədri Sərdar Cəlaloğlu dini sahədə “QMİ üsul-idarəsi”ni yarıtmaz sayaraq ləğv olunmasını tələb edir.
2012-ci ildə “Vüqar Padarov dəstəsi” terrorçu qrupunun tərkibində Bakı sakini, “Hi-End” kateqoriyalı audiotexnika üzrə yeganə mütəxəssis Nəriman Abbasoğlu da həbs edilib. Müstəntiq “sənin günahın yoxdur, amma Antiterror Mərkəzinin rəisi Elçin Quliyev tələb edir ki, həbs ediləsən” deyə həbs olunmasının “motiv”ini anladıb.
Maliyyə ekspertləri bu gün ABŞ Federal Ehtiyat Sisteminin uçot dərəcəsini 0,25-dən 0,5-ə qədər artırmaqla bağlı qəbul edəcəyi qərarı “valyuta bazarına ən ciddi müdaxilə” sayırlar və bütün dünya valyuta bazarının bunun təsirini dekabrın 18-dən sonra hiss edəcəyini bildirirlər.
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz