Mətbuat-Monitorinq 17-18.02.13

 

Rəsmi qəzetlər dövlət başçısı İlham Əliyevin Ağsaqqallar Şurasının qurultayına məktubunu, Şuranın İ.Əliyevə müraciətinin mətnini dərc edib. 

İ.Əliyevin “Mədəniyyət haqqında” qanunun tətbiqilə bağlı fərmanı da bu qəzetlərdə yer alıb. Bununla yanaşı rəsmi qəzetlər ölkə müxalifətinin aparıcı qüvvələri və yazıçı Əkrəm Əylislinin barəsində böhtan, şər və qaralama kampaniyasını davam etdirir. 

 

“Azadlıq” qəzeti 2003-cü ildən itkin düşən MTN zabiti Mahir Abdullayevin işilə bağlı rəsmi Bakının cinayət işi açması üçün zabitin qardaşı, keçmiş rektor Elşad Abdullayevin ABŞ prezidenti Barak Obamaya müraciət etməsini manjetə çıxarıb. 

İctimai-siyasi blokda Göygöl rayon sakini Toğrul İsmayılovun rayon icra başçısının mühafizəçiləri tərəfindən döyülərək miokard-infarkt keçirdiyi bildirilir.

Rəsmi Bakının siyasi və ictimai qurumlara qrant yardımının qarşısını alması “təşviş içində olan iqtidarın bu qurumlara veriləcək maliyyədən qorxması” sayılır.

Qazax rayonundakı mütəfəkkirlər bağındakı büstlər götürülür və səbəbləri haqda açqılama verilmir.   

Dövlət büdcəsindən maliyyələşən qurumların maliyyə-təsərrüfat pozuntularına görə inzibati cəzanın nəzərdə tutulması “büdcəni talamaq üçün “yaşıl işıq”” sayılır.             

Dövlət başçısı İlham Əliyevin iki icra başçısını işdən qovmasına Müsavat Partiyasının lideri İsa Qəmbər “İ.Əliyev sistemi dəyişə bilməz” şərhini verib, ekspertlər isə dövlət başçısının harın məmurları durdura bilməyəcəyi rəyi səsləndirirlər. 

Ölkənin vəzifəli şəxslərinin orta əsrlərdə olduğu kimi bir-birlərilə qohum olmalarına ironik “qudalar hakimiyyəti” mövqeyi ifadə edilir. 

 

“Yeni Müsavat” işdən qovulan İsmayıllı rayon icra başçısı Nizami Ələkbərovun bütün əmlakının müsadirə edilməsini ilk plana çıxarıb.

Barəsində həbs qətimkan tədbiri seçilən keçmiş deputat Gülər Əhmədovanın əmlakı ilə bağlı siyahı hər gün yenilənir.

Yevlaxdakı müxalif partiya təşkilatları rəsmi Bakıya rayon rəhbərliyinin yaramazlığı üzündən rayonda kütləvi etirazlar olacağı barədə xəbərdarlıq ediblər. 

Dövlət başçısının 12 fevral müşavirəsində dediyi “subsidiyaların bir hissəsi dövlət məmurlarının ciblərinə gedir” ifadəsini ekspertlər kənd təsərrüfatı naziri İsmət Abbasova ünvanladığı rəyini veririlər. 

Qəzet ölkə ictimaiyyətinin yaxın günlərdə daha bir vəzifəli məmurun həbsinin sahidi ola biləcəyini yazaraq “nazir Füzuli Ələkbərovun taleyi dövlət başçısının masasının üstündə” iddiasını edir. 

Şamaxı rayonunun yeni icra başçısı Asif Ağayev “Azəriqaz”da işləyəndə 6 milyon manatın yoxa çıxması “yeni başçının köhnə korrupsiya əməli” kimi təfsir edilir.     

 

 

 

Rəy yaz

Cəmiyyət

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti