Sabiq rektor Obamaya müraciət edib

 

Abdullayev Azərbaycan cəmiyyətini də ABŞ prezidentinə müraciət üçün imza kampaniyasına qoşularaq onu dəstəkləməyə çağırıb: “Hörmətli həmvətənlərim! Xahiş edirəm, ABŞ prezidenti Barak Obamaya imza toplama müracətimizə qoşulasınız. 10 ildir ki, qardaşım, Milli Təhlükəsizlik Nazirliyinin zabiti Mahir Abdullayevin Azərbaycanda adam oğurluğu ilə məşğul olan mütəşəkkil cinayətkar təşkilat - “ölüm eskadronu” tərəfindən oğurlanıb. Mütəşəkkil cinayətkar təşkilata Azərbaycan Respublikası Prezident Administrasiyasının rəhbəri Ramiz Mehdiyev havadarlaq etdiyi üçün nə cinayəti edənlər, nə də, cinayəti sifariş edənlər cinayət məsuliyyətinə cəlb edilir. Azərbaycanda tam cəzasızlıq şəraitidir, ölkə huquqi böhran vəziyyətindədir, insan hüquqları total şəkildə pozulur, Azərbaycan hökuməti problemi həll etmək əvəzinə zərərçəkmişi təhdid etməklə məşğuldur".

 

10 il bundan öncə təqiblərlə üzləşdiyi üçün Fransaya qaçan sabiq rektor ötən ilin sentyabrından Azərbaycan hakimiyyəti, ilk növbədə Ramiz Mehdiyevlə açıq mübarizəyə başlayıb. 

 

Onun deputat yerlərinin satılması barədə videoçəkilişləri və başqa ifşaları Azərbaycan cəmiyyətində partlayışa səbəb oldu, prezident İlham Əliyevin administrasiyasına edimadı xeyli azaltdı. 

 

Onun ilk qurbanı parlamentin deputatı Gülər Əhmədova oldu. O, gizli kamera ilə çəkilən l800 videoçarxın ilk fiqurantlardan biridir. Əhmədova Mehdiyevin adından Abdullayevlə deputat mandatı alveri edib və videoçarx yayılandan 4 ay sonra dələduzluq ittihamı ilə onu həbs ediblər. 

 

Videoqalmaqalın iştirakçılarından biri olan Sevinc Babayeva dekabrda İstanbul klinikasında vəfat edib – doğmaları bildirir ki, onu zəhərləyiblər. 

 

Abdullayev yeni videoifşaların olacağını bildirir. Onların ən dağıdıcıları oktyabrdakı prezident seçkiləri öncəsi yayılacaq.—0—