Rəsmi qəzetlər dövlət başçısı İlham Əliyevin kənd təsərrüfatı və ərzaq məhsulları bazarının fəaliyyətinin təkmilləşdirilməsi, İlyas Əfəndiyevin 100 illik yubileyinin qeyd olunması haqda imzaladığı sərəncamların mətnlərni ilk səhifələrə çıxarıblar. Bundan əlavə, bu qəzetlər “İctimai iştirakçılıq haqqında” qanunun mətnini də səhifələrində dərc ediblər.
“Azadlıq” dövlət başçısı İlham Əliyevin qızı Arzu Əliyevanın Çexiyadakı şirkətini məmur Mahir Rəfiyevin 1.200 min avroya alması xəbərini manjetə çıxarıb.
Dövlət başçısı İlham Əliyevin “ölkədə siyasi məhbus yoxdur” bəyanatına vətəndaş cəmiyyəti institutlarının təmsilçiləri “ölkədə 140 nəfərdən çox siyasi məhbus var” qarşılığını veriblər.
Qarabağ qazisi Zaur Həsənlinin faciəvi ölümünə etiraz olaraq aksiya keçirdiklərinə inzibati cəza alan gənclər azadlığa çıxdıqdan sonra Binəqədi müvəqqəti saxlanma təcridxanasında rəis və polislər tərəfindən qeyri-insani rəftara məruz qaldıqları haqda bəyanat səsləndiriblər.
Ekspert Üzeyir Cəfərli Bakıda 3 hərbi hissənin ləğv olunmasına “həmin hərbi hissələrin ərazilərini bəzi işbazların alması, orada ordu sisteminə aid olmayan obyekt və tikililər nəzərdə tutulması” kimi şərh edib.
Ölkənin tanınmış jurnalistləri “Yeni Müsavat” qəzetinin son vaxtlardakı mövqeyinə “vicdanlı adamları ləkələməklə öz vicdansızlıqlarına şərik axtarmaq” şərhini veriblər.
Şabran rayon Zivə kənd icra nümayəndəsi Şəmsi Bayramov evlənmək məqsədilə yetkinlik yaşına çatmamış azyaşlı qızı qaçırıb.
“Ekspress” avia yanacağın bahalaşması ilə bağlı yanvarın 15-dən AZAL sistemində bilet alışına yanacaq yığımı tətbiq olunduğunu bildirir.
Mərkəzi Bank ölkə banklarına iş yerindən arayış olmadan istehlak kreditləri verilməsini dayandırmağı tələb edib.
“Exo” əsgər intiharlarına görə Müdafiə Nazirliyinin valideynləri günahlandırılmasına ekspertlər “valideynləri günahlandırmaq yolverilməzdir” şərhini veriblər.
“Novoe Vremya” vəhabi cərəyanına mənsub Azərbaycan gənclərinin Suriyada “cihad” adı ilə döyüşlərə qatılmasına “vəhabilik Azərbaycanın milli təıhlükəsizliyi üçün yeni təhlkə” mövqeyini ifadə edir.
“Bizim yol” Səhiyyə Nazirliyinin şəraiti olmayan 300-ə qədər stomotoloji kabineti bağlamasını ilk səhifəyə çıxarıb.
“Yeni Müsavat” Avstriya Mərkəzi Bankının törəmə şirkəti “GeBS”in əskinaz çapı üçün Azərbaycandan rüşvət alması faktı ilə bağlı başlanacaq məhkəmənin Mərkəzi Bankın rəhbəri Elman Rüstəmovun karyeasına son qoyacağını ilk səhifəyə çıxarıb.
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz