![Azərbaycan-Rusiya qaz kəmərinin iki yerində sızma nöqtələri aşkar edilib](https://turan.az/resized/./turan-750-500-resize.webp)
Azərbaycan-Rusiya qaz kəmərinin iki yerində sızma nöqtələri aşkar edilib
Azərbaycan Dövlət Neft Şirkəti (SOCAR) Hacıqabul-Məzdək magistral qaz kəmərinin iki hissəsində aşkarlanmış sızmaların ləğvinə başlayıb.
SOCAR-ın rəsmi məlumatına görə, sızmalar qaz kəmərinin 206 və 287-ci kilometrliyində aşkar edilib. Onların aradan qaldırılması üzrə təmir işlərini SOCAR-ın Qaz İxracı İdarəsi həyata keçirir.
Məlumatda həmçinin qeyd olunur ki, Azərbaycan qazının Rusiyaya ixracı tikilməkdə olan Qəndob-Xaçmaz-Yalama-Rusiya sərhədi avtomobil yolunun yeddi yerində Hacıqabul-Məzdək qaz kəmərinin kəsişməsi səbəbindən dayandırılıb.
“Avtomobil yolunun tikintisini “Azərinşaatservis” (Nəqliyyat Nazirliyinin strukturu) həyata keçirir. Sözügedən kəsişmə yerlərində tikinti işlərinin aparılması üçün təhlükəsiz şərautin yaradılmasından ötrü Hacıqabul-Məzdək qaz kəmərinin texnoloji iş rejimi dəyişdirilib, işçi təzyiqi 12 atmosferədək endirilib. Bu səbəbdən Rusiyaya qaz nəqli dayandırılıb”, - məlumatda deyilir.
Xəbər verildiyi kimi, yanvarın 13-dən Azərbaycan Rusiyaya qaz nəqlini tam dayandırıb. Nəql dayanmazdan əvvəl sutkada 3 mln. kubmetr təşkil edirdi. “Qazprom”dan bildirilib ki, Azərbaycan tərəfi nəqlin dayandırılmasının səbəblərini və bunun bərpasının mümkün vaxtını hələlik açıqlamayıb.
SOCAR öz növbəsində bildirib ki, Bakı-Rusiya sərhədi magistral avtomobil yolunda başlanmlş təmir işləri ilə əlaqədar qaz ixracının dayandırılması ilə bağlı Rusiya tərəfinə rəsmi yazılı xəbərdarlıq edilib. İşlərin başa çatma və qaz nəqlinin bərpasının müddəti dəqiqləşdirilməyib.
Azərbaycan qazı Dağıstanın qaz təchizatı mənbələrindən biridir. 2013-cü ilin yekunlarına əsasən Azərbaycan Rusiyaya 1,37 mlrd. kubmetr qaz nəql edib. --12D--
-
- Cəmiyyət
- 17 Yanvar 2014 10:56
-
- İqtisadiyyat
- 17 Yanvar 2014 11:34
İqtisadiyyat
-
Azərbaycan Yerüstü Nəqliyyatı Agentliyinin (AYNA) və Rəqəmsal İnkişaf və Nəqliyyat Nazirliyinin nümayəndələrinin iştirakı ilə qanunvericiliyin təkmilləşdirilməsi ilə bağlı keçirilən brifinqdə Azərbaycanın yerüstü nəqliyyatı sektorunda strateji planlaşdırma sahəsində zəif cəhətlər müəyyən edilib.
-
Azərbaycan Respublikasının Nazirlər Kabineti “Tikinti sənədlərinin təsdiqi və tikinti xidmətlərinə görə haqların məbləği ilə bağlı qüvvədə olan Əsasnamə”də dəyişiklik edib. Dəyişikliklər Azərbaycan Konstitusiyasının 119-cu maddəsini rəhbər tutur və tikintiyə icazə və istismarla bağlı proseslərin sadələşdirilməsinə yönəlib.
-
Azərbaycan Respublikasının Nazirlər Kabineti dövlət səhiyyə sisteminə daxil olan tibb müəssisələrinə tibb işçilərinin işə qəbulunun yeni qaydasını təsdiq edib. 2025-ci il yanvarın 1-dən qüvvəyə minən qərar ölkədə icbari tibbi sığortanın tətbiqini gücləndirmək məqsədi daşıyır.
-
Türk Dövlətləri Təşkilatı (TDT) kənd təsərrüfatı məhsulları üçün “OTS Made” brendini təqdim etmək üçün bu yaxınlarda kənd təsərrüfatı paytaxtı adlandırılan Qubada toplantı keçirib.
Rəy yaz