Mətbuat-Monitorinq 17.07.13
Rəsmi və iqtidaryönlü qəzetlər dövlət başçısı İlham Əliyevin Saatlı rayonunun sosial inkişafı ilə bağlı 3,5 milyon manat vəsaitin ayrılması haqda sərəncamının mətnini dərc ediblər.
Bundan əlavə, bu qəzetlər Milli Şura və aparıcı müxalifət qüvvələrinin əleyhinə qarayaxma, iftira və böhtan xarakterli məqalələr dərc ediblər.
“Azadlıq” qəzeti deputat Mehriban Əliyevanın prezidentliyə namizədliyi ilə bağlı iqtidar daxilində gərgin müzakirələrin getməsini önə çəkərək situasiyaya “iqtidar seçkiyə iki namizədlə gedə bilər” qənaətini ifadə edir.
ABŞ Konqresi Helsinki komissiyasının Azərbaycanla bağlı dinləmələrində Əliyevlərin korrupsiya əməlləri ifşa edilib.
Təhsil Nazirliyi məktəb direktorlarının şəxsi əmrlə məktəbə müəllim götürmək niyyətilə müəllimlərin sayının gizlədilməsini nəzərə çatdırır.
Freedom House təşkilatı hesabatında Azərbaycanda müxalifətin aqressiv şəkildə boğulduğunu bildirir və azadlıq dərəcəsinə görə Azərbaycan Belarus və Tacikstanla bir sıraya qoyulur.
Böyük Britaniyanın “The İndependent” qəzeti Rüstəm İbrahimbəyovla İlham Əliyevin prezidentliyə namizədliyinə “rejissor diktatora qarşı” şərhini verir.
Dövlət Neft Şirkətində qadınlara əxlaqsız təkliflərlə bağlı Neftçilərin Hüquqlarını Müdafiə Komitəsinin açıqladığı faktları şirkət “işgüzar imicə xələl gətirmək” adı ilə birmənalı olaraq rədd edib.
Qadın Krizis Mərkəzinin rəhbəri Mətanət Əzizova bu ilin 6 ayı ərzində 6 minə yaxın boşanmanın qeydə alındığını bildirib.
“Zerkalo” hüquq müdafiəçilərinin keçmiş deputat Gültəkin Hacıbəylinin dürüstlüyünə şübhə etmədiklərini yazaraq, keçmiş xanım deputata qarşı baş verənləri “çirkin sifariş” adlandırırlar.
“Ekspress” ölkədə 3286 vakant müəllim yerinə 18.782 müəllimin sənəd təqdim etdiyini yazır.
“Exo” Türkiyənin xarici işlər naziri Əhməd Davudoğlunun Azərbaycana səfərinə toxunaraq ekspertlərə istinadən səfərə “Dağlıq Qarabağda hərbi əməliyyatların başlaya bilməsi” şərhini verir.
Qəzet ölkədə ərzağın 70%-nin tərkibinin məlum olmadığını yazaraq beynəlxalq Ərzaq Kodeksinin (Kodeks Alimentarius) tövsiyələrinin ən yaxşı halda 30% -nin yerinə yetirildiyi bildirilir.
“Novoe Vremya” Freedom House təşkilatının insan haqlarının durumuna görə Azərbaycanı kəskin tənqid etməsinə rəsmi Bakının ironik “yaxşı Freedom House, görərsən!” (Nu, Freedom House, poqodi)” mövqeyini qoyub.
“Bizim yol” Qusarda salınan “Şahdağ” qış-yay turizm bazasının sökülməsini tələb edən Kuzun kənd sakinləri buna səbəb kimi tikinti üçün pay torpaqlarının hər sotunun onlardan 24 qəpiyə alınmasını göstəriblər.
“Yeni Müsavat” keçmiş təhsil naziri Misir Mərdanovun artıq böyük biznesə girişməsini ön plana çəkib.
220 saat ictimai işə cəlb edilən gənc siyasi fəal Cəmil Hacıyev Binəqədi Rayon Kommunal Təsərrüfat Birliyində bir neçə şəxsin fiziki zorakılığına məruz qalıb.
Rəsmi Bakının iranlı müəllimlərə viza verməməsinin Tehranda etirazlara səbəb olduğunu yazan qəzet bunu iki ölkə arasında “yeni gərginlik” adlandırır. Bu ilin mayında istifadəyə verilən “qış parkı” qranit pillələr və ot örtüyü sıradan çıxdığı üçün təmirə bağlanıb.
-
- İqtisadiyyat
- 17 İyul 2013 11:08
-
- Siyasət
- 17 İyul 2013 11:38
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 195
Rəy yaz