АХА MBASK avtomobillərin КАСКО sığortasına əvəz axtarır

Birinci yarımildə АХА MBASK şirkətinin mükafatlarının azalmasından danışmazdan əvvəl (ötən ilin eyni dövründəki 9,75 mln manata qarşı 7,39) portfelin şaxələnməsini qeyd etmək lazımdır. Amma avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə mükafat yığımı tempi saxlanılıb. Bu gün həmin növ 3,5 mln manatla liderdir. 

Görünür, şirkət rəhbərliyi avtomobillərin könüllü sığortasına əvəz axtarır. Əgər ötən ilin I yarısında 3,84 mln toplanıb, 1,93 mln manat ödəniş edilmişdisə, bu il nisbət 1,67 mln-a 1,82 mln-dur. Yəni köhnə müqavilələr də daxil, ödənişlər mükafatlardan çoxdur. 

Bundan başqa, bu seqmentdə oyunçu çoxdur. Ona görə güclənmə variantları var. Belə ki, könüllü tibbi sığorta, bədbəxt hadisə və xəstəliklərdən sığorta, mülki məsuliyyətin sığortası güclənib. Dövlət Sığorta Nəzarətinin təbliğatı sayəsində regionlarda əmlakın icbari sığortası nda irəliləyiş var (cədvələ bax). 

Daha çox ödəniş avtosığorta üzrədir – 1,82 mln manat. 

Məcmu ödənişlər 3,62 mln manat olub. Bu, ötən ilkindən 1,1 mln manat çoxdur. 

AXA MBASK sığorta şirkəti yerli bazarda 1992-ci ildən fəaliyyət göstərir və 25 könüllü, 4 icbari sığorta növü üzrə xidmət edir. 

Ödənilmiş nizamnamə fondu 6,74 mln manatdır. 

"MBASK"ın ölkədə 5 filial və təmsilçiliyi var.  2010-cu ilin oktyabrında MBASK əsas səhmdarını dəyişib. Şirkətin səhm nəzarət paketini (51%) AXA Group (Fransa) öz törəmə şirkəti AXA Sequros Generales, S.A, De Sequros Y Reasequros (İspaniya) vasitəsilə alıb. 

7 dekabr 2010-cu ildə MBASK-ın lisenziyası adının AXA MBASK-a dəyişməsi ilə bağlı yenilənib.  .--17D—