İyulun 16-da Naxçıvanda müxalifət qüvvələri Azərbaycan Xalq Cəbhəsi və Milli Müqavimət Hərəkatının yaranmasının 24-cü ildönümünü qeyd ediblər.
Mərasimi açan AXCP Naxçıvan təşkilatının sədri Yaşar Bağırsoy ilk sözü Bütöv Azərbaycan Birliyinin Naxçıvan təmsilçisi İlham Nərimanoğluna verib. İlham Nərimanoğlu AXC-nin yaranması və fəaliyyəti ilə bağlı geniş çıxış edərək ümumxalq hərəkatında fədakarlıq edən hər kəsə minnətdarlığını bildirib.
Daha sonra Müsavat Partiyasının təmsilçisi Sabir Vəliyev, VHP təmsilçisi Fərid Əsgərov, ACP nümayəndəsi Nurəddin Bayramov və digər çıxış edənlər AXC lideri Əbülfəz Elçibəyin və silahdaşlarının azadlıq hərəkatındakı xidmətlərindən və əldə olunan uğurlardan danışıblar.
Natiqlər qeyd ediblər ki, AXC dövlət müstəqilliyini xalqa bəxş etsə də hələ ki, mülki azadlıqlara sahib deyil. Demokratik Qüvvələrin Milli Şurası cəmiyyətin demokratikləşməsində və inkişafında tarixi şansdır. -0-
Siyasət
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
Rəy yaz