Mətbuat-Monitorinq 18.09.13

Rəsmi və iqtidaryönlü qəzetlər dövlət başçısı İlham Əliyevin 3 saylı Bakı “ASAN xidmət” mərkəzinin açılışında iştirakını ilk səhifələrə çıxarıblar. 

“Azadlıq” qəzeti yazır ki, “Bizim yol” qəzetinin əməkdaşı, Siyasi və Mülki Hüquqların Müdafiəsi İctimai Birliyinin rəhbəri Pərviz Həşimlini MTN saxlayıb, ona qarşı qaçaqmalçılıq və qanunsuz silah saxlamaq maddələrilə ittiham irəli sürülüb. 

ATƏT Azərbaycanda seçki prosesinə mənfi rəy ifadə edib. Rəsmi Bakının mövqeyinə “cavab vermək gücündə olmadığı sualları cavabsız buraxması”, ikinci dərəcəli iradlara “siz deyən yox, biz deyəndir” prinsipilə yanaşmasını nəzərə çatdırır. 

Prezidentliyə namizədlərin çıxışları zamanı ölkənin bir sıra bölgələrində elektrik cərəyanın qəsdən verilməməsi kimi hallar qeydə alınınb. 

ABU-nun keçmiş rektoru Elşad Abdullayev qurumun Tibb Mərkəzində qanunsuzluqlar olubsa belə məsuliyyətin daşımadığını, mərkəzin PA-nın rəhbəri Ramiz Mehdiyevin qohumunun nəzarətində olduğunu diqqətə çatdırır. 

“Ekspress” yazır ki, ölkənin neftçilər təbəqəsinin maaşı artırılmayacaq, əvəzində ARDNŞ onları evlə təmin etmək vədi verib. 

“Exo” ekspertlərə istinadən ölkə vətəndaşlarının qida məhsullarının 10%-ni zibilliyə atdığını, ildə isə bütün dünyada 750 miyard dollar həcmində qidanın zibilliklərə atıldığını nəzərə çatdırır. 

“Novoe Vremya” ATƏT/DİTHB-nin seçki komissiyaları məsələsində rəsmi Bakını inhisarçılıqda ittiham edir, iqtidar isə qurumun bu mövqeyini bəyənmir. 

“Bizim yol” qəzetin əməkdaşı və QHT rəhbəri Pərviz Həşimlinin həbsə alındığını bildirir. 

Ədliyyə nazirinin müavini Azər Cəfərov bu seçkilərdə cəzaçəkmə müəssisələrində 17 min məhbusun səs verəcəyini nəzərə çatdırıb. 

Ekspertlər ölkənin yerli istehsalla özünü taxılla təmin edə bilmədiyini, təkcə bu il bağda alınmasına 250 miyon manat xərclənməsinə diqqət çəkirlər. 

“Yeni Müsavat” prezidentliyə namizədlərin teledebatlarının dava-dalaşla başlamasına, iqtidara yaxın namizədlərin Milli Şuranın vahid namizədi Cəmil Həsənlini, onun isə iqtidarı sərt tənqidə məruz qoymasına diqqəti çəkir. 

YAP-ın Milli Şuranı təbliğat kampaniyasına vaxtından əvvəl başlaması  ittihamına qurumdan “məktəblərdə bütün şagird və müəllim kontingentinə İlham Əliyevin fəaliyyətinə dair kitab və disklər paylanıb, buna cavab versinlər” qarşılığını verilib. 

2013-cü il “Eurovision” müsuqi yarışmasında Azərbaycanın jüri üzvlərini rüşvətlə ələ ala bilməsi ehtimalı ilə bağlı araşdırma davam edir, Avropa Yayım Birliyi bu iddialara cavab almaq üçün İTV-yə məktublar ünvanladığını, İTV isə məktub almadığını bildirir.