Mətbuat-Monitorinq 18.12.12

Rəsmi qəzetlər dövlət başçısı İlham Əliyevin Bakıda bir sıra obyektlərin açılışında iştirakı, qəbulları haqda yazırlar. 

“Yeni Azərbaycan” qəzeti  vətəndaş cəmiyyəti institutlarınını bir qrupunun “Demokratiya naminə incəsənət” kampaniyası ilə bağlı böhtan məqalələrinin dərcini davam etdirir.  

“Azadlıq” qəzeti keçmiş deputat Gülər Əhmədovanın həbs olunması xəbərini manjetə çıxarıb.

“Demokratiya naminə incəsənət” kampaniyasının təşkilatçıları kampaniyaya qarşı böhtanlara görə “Yeni Azərbaycan” qəzetindən Mətbuat Şurasına şikayət ediblər.

AXCP sədri Əli Kərimlinin qaynı Elnur Seyidovun vəkili Əsabəli Mustafayev “həbsin sifarişli olması” haqda növbəti bəyanat səsləndirib.   

Keçmiş rektor Elşad Abdulayevin “deputatlıq rüşvəti” olayında adı keçən Sevinc Babyeva YAP üzvü imiş. 

Qəzet 16 saylı həbsxanada saxlanılan dustaq Pərviz Mikayılovun anasına istinadən dustağın Penitensiar Xidmətin xəstəxanasında döyülərək öldürülüdüyünü yazır. 

“Deputatlıq rüşvəti” videolarının əsas fiqurlarından olan PA rəhbəri Ramiz Mehdiyevin hələ də vəzifədə qalmasını vəkul Aslan İsmayılov “dövlətçiliyə təhqir” adlandırıb. 

RF-də fəaliyyət göstərən “AzərRos”un başçısı Söyün Sadıqov şərti “milyarderlər ittifaqı”nın PA rəhbəri Ramiz Mehdiyevin xeyir-duası ilə yaradıldığını açıqlayıb. 

“Zerkalo” rəsmi İrəvanın Qarabağ məsələsinin BMT Təhlükəsizlik Şurasında müzakirəsini təklif etməsini “Ermənistanin taktikanı dəyişməsi” adlandırır.   

“Ekspress” keçmiş deputat Gülər Əhmədovanın gecəyarısı evində həbsə alındığını bildirir. 

“Novoe Vremya”  keçmiş rektor Elşad Abdullayevin iqtidarı get-gedə dərindən ifşa etməsini “palçıq vulkanını püskürməsinin davam etməsi” kimi dəyərləndirir. 

“Bizim yol” keçmiş deputat Gülər Əhmədovanın gecə evində həbsə alınmasını “Elşad Abdullayevin son videosunun nəticəsiz qalmaması” adlandırır. 

Qəzet Neft Fondunun Londonda bahalı bina almasını “neft pullarının Londona daşınması” kimi dəyərləndirir. 

“Yeni Müsavat” dövlət başçısının şəxsi mühafizə xidmətinin rəhbəri Bəylər Əyyubovun  Borjomidə ermənilərlə şərikli otel tikdirdiyini nəzərə çatdırır. 

Müsavat Partiyasının başqanı İsa Qəmbər iqtidarın siyasi böhran keçirməsini “iqtidar hamının xoşuna gəlmək siyasəti seçdiyi üçün bu gün hamı ilə problem yaşayır” şəklində izah edib. 

Avropa Birliyi rəsmi Bakını təcili seçki islahatları aparmağa çağırıb.

“Bakı Xəbər” RF dövlət başçısı Putinin rus, gürcü və ermənilərin birləşəcəyi Kilsələrarası Şuranın yaradılması çağırışını “Cənubi Qafqazda “xristian birliyi”nin işə düşməsi” hesab edir.