![Prokurorluq Gülər Əhmədovanın həbs olunması barədə məlumatı təkzib edib](https://turan.az/resized/750/500/resize/media/2012/main/121800021786.jpg)
Prokurorluq Gülər Əhmədovanın həbs olunması barədə məlumatı təkzib edib
Baş Prokurorluq keçmiş deputat Gülər Əhmədovanın həbs olunması barədə məlumatı təkzib edib. Baş Prokurorluğun məlumatında yayılan xəbərin həqiqətəuyğun olmadığı bildirilir.
“Hazırda cinayət işi üzrə zəruri prosessual hərəkətlər həyata keçirilir. İstintaqın gedişi barədə ictimaiyyətə əlavə məlumat veriləcək”, - Baş Prokurorluğun mətbuat xidmətinin açıqlamasında deyilir.-04D-
Gülər Əhmədovanın vəziyyəti aydın deyil
Hakimiyyətə yaxın İnternet nəşrlərin bəzisi keçmiş deputat Gülər Əhmədovanın həbs olunduğunu bildirir. O, bu günlərdə hakim Yeni Azərbaycan Partiyasının sıralarından xaric edilib. Lakin DİN və Baş Prokurorluq məlumatı nə təkzib, nə də təsdiq edirlər. Dəqiq desək, DİN məlumatın olmadığını bildirir, Baş Prokurorluq isə bir qədər sonra rəsmi məlumatın açıqlanacağını bəyan edir. G.Əhmədovanın qardaşı da həbs barədə məlumatı təkzib edərək onun evdə olduğunu söyləyir.
Deputat yerlərinin satışı ilə bağlı qalmaqalda adı hallanan G.Əhmədova bir gün əvvəl hakim partiyanın sıralarından xaric edilib. Deputat kreslosundan isə bundan əvvəl, ilk video yayımlandıqdan sonra məhrum edilib. Həmin videoda o, Elşad Abdullayevə parlamentə deputat seçiləcəyini vəd edərək ondan 1 mln. dollar alır.
Ötən gün Beynəlxalq Universitetin keçmiş rektoru Elşad Abdullayev növbəti videonu yayımlayıb. Bu videoda G.Əhmədovanın köməkçisi 1 mln. dolların Prezident Administrasiyasının rəhbəri Ramiz Mehdiyevə çatdırıldığını və E.Abdullayevin deputat seçilmək məsələsinin “artıq həll olunduğunu” bildirir.-02/04V-
-
- Cəmiyyət
- 18 Dekabr 2012 10:45
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz