Mətbuat-Monitorinq 18.12.15

Rəsmi qəzetlər Masallı rayonunda “ASAN xidmət” kompleksinin tikilməsi üçün 9 milyon manatın ayrılması ilə bağlı dövlət başçısı İlham Əliyevin sərəncamının mətnini ilk səhifələrdə yerləşdiriblər.  

“Azadlıq” qəzeti Azərbaycan hökumətinə sanksiyaları nəzərdə tutan “Azərbaycan Demokratiya Aktı”nın ABŞ Konqresində müzakirəyə çıxarılacağını önə çəkərək layihənin tam mətnini dərc edib.   

Müxalif siyasilər bu sənədin xalqa yox, konkret hakimiyyətə qarşı olduğunu bəyan edirlər. AXCP sədri Əli Kərimli sənədin hazırlanmasına səbəb kimi rəsmi Bakının əməllərini göstərərək “səbəbkar özünüzsüz” bəyanatını səsləndirib.

Azərbaycanın yeni Xətalar Məcəlləsinə əsasən mediaya qanunsuz sponsorluq edənlərin 1000-10.000 manat arasında cərimə ediləcəklərini yazan qəzetə görə,  ekspertlər bu maddəni hökumətdaxili cavaşın alətlərindəın biri adlandırıblar. 

Avropa məhkəməsi 2010-cu il Azərbaycandakı parlament seçkilərində 14 saxtakarlıq şikayəti üzrə rəsmi Bakını 135 min avro məbləğində cərimə edib.

“Günəşli” yatağındakı yanğını söndürmək üçün xarici mütəxəssislərin cəlb edilməsini qəzet neft sahəsi üzrə ixtisaslaşan ali məktəblərin “yararlı məhsulu” olmamasının, ARDNŞ-nin “ailə şirkəti”nə çevrilməsinin nəticəsi sayır.

Kremlin “erməni soyqırımı”nı inkar edənlərin cinayət məsuliyyətinə  cəlb olunmalarını qanunlaşdırmaq səylərini Milli Şura rəsmi Bakının Rusiya siyasətinin “iflasa uğraması” kimi dəyərləndirir.

2015-ci ilin fevralında ləğv edilərək Əmlak Komitəsinə birləşdirilən Torpaq komitəsinin 300 işçisi müavinət tələb etsə də Kərəm Həsənov buna görə məsuliyyəti Maliyyə Nazirliyinin daşıdığını bildirir.   

ABŞ Federal Ehtiyat Sisteminin uçot stavkasını qaldırmasına Azərbaycan ekspertləri “bu qərar manatın məzənnəsinə təsirini mütləq göstərəcək” bəyanatını səsləndiriblər.

“Ekspress” ABŞ Federal Ehtiyat Sisteminin dolların uçotunu qaldırmasına “manata psixoloji təzyiq” münasibətini diqqət mərkəzinə çəkib.

Bakı şəhər rəhbərliyi şəhər nəqliyyatı sayılan tramvay və elektriçka sistemini ləğv etdi, dəmir yolları rəhbəri Cavid Qurbanov isə indi onun bərpasına 550 milyon manat lazım olduğunu bəyan edir.

“Exo” dərsdən yayınmaya görə cərimə tətbiq edilməsinə ekspertlərin “yayınmaya görə cərimə tətbiq etmək səyləri iflasa uğrayacağı” mövqelərini ilk plana çəkib.

“Novoe Vremya” ABŞ-ın Azərbaycana qarşı sanksiylar tətbiq etməyə hazırlaşmasını ön plana çıxarıb.

“Bizim yol”  ABŞ Konqresində rəsmi Bakı təmsilçilərinə sanksiya hazırlanmasına iqtidarın sərt  narazı reaksiya göstərməsi ilk səhifəyə yerləşdirilib.

Qəzet ABŞ-da dolların uçotu qaldırıldıqdan sonra ekspertlərə isnadən Azərbaycan bazarlarında böyük bahalaşmanın gözlənildiyi barədə xəbərdarlıq edir.

“Yeni Müsavat” ABŞ-da rəsmi Bakıya sanksiyaları nəzərdə tutan sənədin ortaya çıxmasını, Avropa Şurasının rəsmi Bakıya araşdırma missiyası göndərməsini “iqtidara ikitərəfli hücum” kimi dəyərləndirərək ilk səhifəyə çıxarıb.

Ekspertlər Federal Ehtiyat Sisteminin dolların uçotunu qaldırmasına “manata təzyiqin artması və bunun artıq müşahidə edilməsi” münasibəti bildiriblər.  Ölkədəki 42 bankdan az qala 30-nun hesabatlarını gizlətməsini ekspertlər “ölkə banklarının müflislik həddində olması” kimi şərh edirlər.

Rəsmi Bakının yeni İnzibati Xətalar Məcəlləsində “cərimələr siyahısı”nın genişləndirilməsini ekspertlər “həm insanları qorxutmaq, həm də büdcəni doldurmaq” kimi dəyərləndiriblər. İmtahanlarda rüşvətin qarşısını almaq üçün ali məktəblərdə qərargahların yaradılmasına ekspertlər “bununla neqativ halların qarşısını almağın mümkün olmayacağı” bəyanatını səsləndiriblər.