Mətbuat-Monitorinq

Rəsmi və hökumətyönlü qəzetlər dövlət başçısı İlham Əliyevin rəsmi qəbilları, Rabitə Nazirliyinin tərkibində İnformasiya Texnologiyalarının İnkişafı Dövlət Fondunun yaradılması haqda fərman imzalaması barədə yazırlar.

Bu qəzetlər Almaniya məhkəmələrini, MDİ, “EL” Hərəkatını və “NİDA” gənclər təşkilatını, aparıcı müxalifət qüvvələrini təhqirə məruz qoyan məqlələr dərc ediblər. 

“Azadlıq” qəzeti Moskvada fəaliyyət göstərən azərbaycanlılardan ibarət şərti “milyarderlər ittifaqı”nın “xalqına xidmət edən insanları cəzalandırmaq və ləkələmək Azərbaycan iqtidarı üçün adi haldır” bəyanatını qurumun rəsmi Bakını xəyanətdə ittiham etməsi sayaraq manjetə çıxarıb.

Ölkə iqtidarının hər addımda qanunları və insan haqlarını pozması qəzetin aparıcı mövzusudur. Bu fonda Neft Akademiyasında hicablı tələbələrin dərsə buraxılmaması “Bakıda din əleyhinə növbəti kampaniya” kimi dəyərləndirilir.

YAP-çı deputatların iqtidar əleyhinə fəaliyyətdə suçladıqları ATƏT və MDİ-nin Azərbaycandan çıxarılması çağırışlarını ekspertlər “iqtidarın təşviş içində olması” sayır. 

Rusiyanın Azərbaycana təzyiqlərinin artdığını deyən politoloq Arif Yunus seçki yaxınlaşdıqca bu təzyiqlərin daha da artacağı barədə xəbərdarlıq edib.

“Zerkalo” Cənubi Qafqaz mövzusuna önəm verib. Cənubi Qafqazı “qeyri-müəyyənlik regionu” sayan qəzet bu zonaya xarici hərbi bazaların yerlədirilməsini zərurət sayaraq “Cənubi Qafqazın “geosiyasi dualizmdən qurtarması vaxtı çoxdan çatıb” rəyini verir. 

Öz haqlarına riayət edilməsini tələb edən fəhlələri polisin həbsə almasına qəzet “polis sadəcə ictimai rahatlığı qoruyur” ironiyası ifadə edir.

“Exo” ölkə bazarlarında kənd təsərrüfatı mallarının 40%-ni xarici kənd təsərrüfatı mallarının təşkil etdiyini bildirir.   

“Novoe Vremya” hakimiyyət dəyişikliyinin ola bilməsindən qorxan hökumətpərəst deputatların gənc siyasi fəalların həbslərinə tərəfdar çıxmalarına “qorxunun gözləri bərələ qalar” şərhini verir.

“Bizim yol” Neft Akademiyasında hicablı tələbələrin dərsə buraxılmamasını “ölkədə hicab qadağasının yenidən başlaması” adlandırır.

“Ehtiyatda və İstefada olan Zabitlər Birliyi”nin sədri Yaşar Cəfərli yaşadığı evinin önündə bir qrup şəxsin hücumuna məruz qalıb. QHT rəhbəri bu hücumu müdafiə naziri Səfər Əbiyevin təşkil etdiyini bildirir.

“Yeni Müsavat” Moskvada fəaliyyət göstərən azərbaycanlılardan ibarət şərti “milyarderlər ittifaqı”nın rəsmi Bakının təzyiqlərinə məruz qalmasına cavab olaraq RF-dəki Azərbaycan diaspor qurumları təzyiqlər saxlanmadığı halda rəsmi Bakı ilə əlaqələrə son qoyacaqları barədə xəbərdarlıq ediblər.

İqtidarın MDİ-yə hücumlarını şərh edən qəzet qurumun qeydiyyat müddəti başa çatdığı üçün rəsmi Bakının qalmaqaldan istifadə edərək qeydiyyatı uzatmamaqla MDİ-nin Bakı ofisini bağlaya biləcəyi barədə xəbərdarlıq edir. 

Türkiyə KİV-ləri rəsmi Dəməşqə qarşı silahlı mübarizə aparan qüvvələrin tərkibində döyüşən 30 azərbaycanlının öldürüldüyü barədə informasiyalar yayıb. 

“Qış bulvarı”nın salınması ilə bağlı Füzuli küçəsindən köçürülən sakinlərin mənzillərinin hər kvadratına 1500 manat ödənilib, bu ətrafda yeni tikilən binalarda isə mənzillərin bir kv. metri 7200 manatdan satılır.