Mətbuat-Monitorinq

Rəsmi və iqtidaryönlü qəzetlər rəsmi Bakının jurnalistlərə ev paylamasını ilk səhifəyə çıxarıblar.  

“Azadlıq” qəzeti paytaxtda maşınların dövlət nömrələrini oğurlayan xüsusi dəstənin peyda olmasını manjetə çıxarıb. 

Müsavat Partiyasının başqanı İsa Qəmbəri “dağıdıcı siyasət”də ititham edən eks-spiker Rəsul Quliyevə “partiyasını ağır duruma salmamaq tövsiyəsi” verilib.

“BBC News” Bakıda rəsmi Bakının jurnalistlərə ev verməsinə “jurnalistlərin döyüldüyü, oğurlandığı, həbs və şantaj olunduğu ölkədə jurnalistə ev” kimi şərh edib. 

Qəzetin yazdığına görə, şərti “milyarderlər ittfaqı”nın üzvü Söyün Sadıqov da  Bakıda jurnalistlərə ev tikmək üçün hazırlıqlara başlayıb.   

Media mənsubları ölkə mətbuatının durumunu “reanimasiyada olmaq” kimi dəyərləndiriblər. 

İnsan haqları müdafiəçisi Rebekka Vinsent Əli Həsənovun onun ünvanına söylədiklərini yalan, böhtan adlandırıb, Ə.Həsənovun barəsində  isə “dövlət marağı ilə hökumət marağını ayıra bilməyən şəxs” qənaətini ifadə edib. 

Sumqayıtda daş bazarının sökülməsinə etiraz olaraq minlərlə sahibkar etiraz aksiyası keçirib. 

“Zerkalo” Rusiyanın istər Azərbaycana, istərsə də Ermənistana “Qərbə üz tutsanız axırınızdır” hədə-qorxusu gəlməsini ilk səhifəyə çıxarıb.

“Ekspress” rəsmi Bakının ölkə jurnalistlərinə ev paylamasını “prezidentin bayram hədiyyəsi” adlandıraraq ön səhifəyə çəkib. 

“Exo” dövlət başçısı İlham Əliyevin “Azərbaycanda söz azadlığının təm təmin olunması” iddiasını ön plana çıxarıb. 

“Novoe Vremya”  dövlət qurumlarının şəffaf fəaliyyət dərəcəsini vətəndaş cəmiyyəti institutları təmsilçilərinin “dövlət orqanlarında şəffaflıq ancaq yuxumuza girə bilər” şəklində şərh ediblər.

Qəzet Mərkəzi Seçki Komissiyasının seçki saxtakarlığı ilə məşğul olmasına “bizim demokratiya yolumuza maneə - MSK-dır” mövqeyilə münasibət bildirir.