Mətbuat-monitorinq

 30.11.13

Rəsmi qəzetlər dövlət başçısı İlham Əliyevin Avropa İttifaqının III “Şərq Tərəfdaşlığı” sammitində iştrak etmək üçün Litvaya işgüzar səfəri haqda xəbərləri ilk səhifələrə çıxarıblar.

“Azadlıq” qəzeti iqtidarda yeni dəyişikliklər olacağı xəbərini ilk səhifəyə çıxararaq, bir neçə iri məmurun “vurulacağı”nı iddia edir. 

“Azadlıq” qəzeti məhkəmə qərarı ilə “Binə” ticarət mərkəzinə 32 min mnat cəriməni vaxtında ödəmədiyinə görə daha 3 min manat cərimə edilib, qəzet rəhbərliyi bunu “qəzetin susdurulması yönündə atılan növbəti addım” kimi dəyərləndirib. Qəzetə olan maliyyə borcunu ödəmədiyi üçün qəzet əməkdaşları “Qasid” yayım firması önündə aksiya keçirib, firma rəhbərliyi  borcu qaytarmaq üçün dekabrın 5-nə kimi vaxt istəyib.  

Əmək və əhalinin sosial müdafiəsi naziri Səlim Müslümov ölkə rayonlarının tibbi-sosial ekspert komissiyalarının sədrlərinin toplantısında  nöqsanlara görə 14 rayonun komissiya sədrini işdən azad edib. 

“Ekspress” qəzeti yazır ki, Rusiyanın Ermənistandakı bazasının komandiri, Azərbaycanı müharibə ilə hədələyən polkovnik Ruzinski məcburi mıəzuniyyətə göndərilib.

Qəzetin yazdığına görə,Mətbuat Şurası mətbuat yayımı problemlərilə bağlı komissiya yaradıb.

“Novoe Vremya” qəzeti Avropa İttifaqının Vilnyusdakı “Şərq Tərəfdaşlığı” sammitində 6 dövlətdən yalnız ikisinin assosiativ üzvlük sazişi imzalamasına “reallaşmayan arzuların sammiti” şərhi verir.

Qəzet Ukraynanın Luqansk şəhərindəki Azərbaycan diasporunun rəhbəri Rasim Uğurluyevin millətçi qüvvələr tərəfindən ölümlə hədələndiyini bildirir. 

“Bizim yol” qəzeti Avropa İttifaqının Vilnyusdakı “Şərq Tərəfdaşlığı” sammitinin nəticələrinə “Avropada qəzəb, Rusiyada bayram, Azərbaycanda sükut” qənaəti ifadə edir.

Qəzet Avropa İttifaqı ilə asssosiativ üzvlük sazişi imzalamadığı üçün Ukrayna müxalifət qüvvələrinin prezident Yanukoviçin istefasını gündəmə gətirdiyini bidlirir. 

“Yeni Müsavat” qəzeti Vilnnyusdakı “Şərq Tərəfdaşlığı” sammitində Ukraynanın Avropa İttifaqı ilə assosiativ üzvlük sazişini imzalamamasını önə çəkərək, bunu Azərbaycanın Rusiya ilə mübarizədə təklənməsi hesab edir.

Qəzet “Xəzərdənizgəmiçilik” idarəsinin keçmiş rəisi Aydın Bəşirovun 50 milyon manatlıq maxinasiyaya yol verdiyini yazır və bunu “A.Bəşirovu bitirəcək maxinasiya” adlandırır.

Qəzet hansısa naməlum mənbəyə isnadən ölkə oliqarxlarının qohumlarının idarəetmədən kənarlaşdırılacaqlarını, yeni rəhbərlərin YAP fəalları arasından seçiləcəklərini, qeyri-rəsmi oliqarx-qubernator sisteminin ləğv olunacağını iddia edir.