Dünən Azərbaycan prezidenti İlham Əliyev Vilnyus sammiti çərçivəsində Fransa prezidenti Fransua Ollandla görüşüb.
Azərbaycan prezidentinin saytında yer alan məlumata görə, görüşdə siyasi, iqtisadi, energetika və mədəniyyət sahələrində ikitərəfli əməkdaşlığın inkişafından məmnunluq ifadə olunub. Fransa şirkətləri Azərbaycanda uğurla fəaliyyət göstərdiyi qeyd edilib və bu fəaliyyətin gələcəkdə də genişləndiriləcəyinə əminlik ifadə olunub.
Görüşdə ikitərəfli əlaqələrin genişləndirilməsi üçün qarşılıqlı maraq olduğu bildirilib, Azərbaycan ilə Fransa arasında əməkdaşlığın Avropa İttifaqı çərçivəsində inkişafının əhəmiyyəti qeyd edilib.
Söhbət zamanı Ermənistan-Azərbaycan, Dağlıq Qarabağ münaqişəsinin həllinə və qarşılıqlı maraq doğuran digər məsələlərə dair fikir mübadiləsi aparılıb.
Bundan başqa, Əliyev Vilnyus səfəri çərçivəsində Böyük Britaniyanın baş naziri Devid Kemeron, İspaniyanın baş naziri Mariano Rahoy Brey, Estoniya hökumət başçısı Andrus Ansip, Latviya prezidenti Andris Berjins, Litvanın baş naziri Alqirdas Butkeviçiusla görüşüb. -06В-
Siyasət
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
Rəy yaz