Rəsmi qəzetlər Azərbaycan-Türkiyə münasibətləri haqda mövqelərə dair yazıları ilk səhifələrdə yerləşdiriblər. Bundan əlavə, bu qəzetlərdə “20 Yanvar” olaylarının növbəti ildönümü ilə bağlı yazılar yer alıb.
“Azadlıq” qəzeti Azərbaycan neftini dünya bazarına daşıyan “Nordic Freedom” tankerinin açıq dənizdə gözlədilməsinə diqqət çəkərək olaya “ABŞ Azərbaycan neftindən imtina edir?” şərhini verir.
Qəzet “əl-Cəzirə” telekanalında Azərbaycanda hüquq müdafiəçilərinin, müstəqil QHT rəhbərlərinin, vəkillərin həbsi barədə material yayımlandğını nəzərə çatdırır.
Şəmkir rayonunun keçmiş icra başçısı Aslan Aslanovun oğlunun ölümündə təqsirli sayılaraq 10 il həbs cəzası almış Lamiyə Quliyeva həbsxanada müəmmalı şəkildə ana olub, Penitensiar Xidmət buna açıqlama vermir.
Dünyada neftin bir barelinin qiyməti 40 dollara qədər endiyi vaxtda Azərbaycan büdcəsində 90 dollardan hesablanmasını ekspertlər rəsmi Bakının “neft təhlükəsini etiraf etmək istəməməsi” sayıblar.
Bakının tarixi “sovetski məhəlləsi”ndə söküntülərin 20 günə yaxındır ki, dayanmasını qəzet neft böhranın “sovetski”ni də vurması kimi dəyərləndirir.
ABŞ-ın Din Azadlığı Komissiyası Azərbaycanda din azadlığının durumunun ciddi narahatlıq doğurması haqda bəyanat səsləndirir.
“Yeni Müsavat” Rusiyada fəaliyyət göstərən “AzərRos” təşkilatının növbədənkənar qurultayında Abbas Abbasovun qurumdan kənar edilməsini önə çəkərək buna rəsmi Bakının “Milyarderlər İttifaqı”nı sıradan çıxarması yönündə mühüm uğuru” kimi dəyərləndirir.
Ekspertlərə görə, Azərbaycanla münasibətlərdə insan haqları və demokratiya prinsiplərini arxa plana keçirməsi ABŞ-ın Azərbaycanla bağlı siyasətinin qüsur və yanlışlıqlarıdır.
Nardaran sakinləri Fransanın “Charlie Hebdo” jurnalında Mühəmməd Peyğəmbər (ə.s)-ın karikaturalarının yayımına, Avropada “islamfobiya”ya etiraz olaraq yanvarın 21-də qəsəbədə etiraz aksiyası keçirməyi qərara alıblar.
Keçən il dekabrın sonlarında 14 saylı bəbsxanada işgəncə ilə qətlə yetirilən Elşad Babayevin bacısı qardaşnın qatilləri olan nəzarətçilərin hələ də azadlıqda olduqlarını bildirib.
Dövlət başçısının Bakıda tikilmiş qanunsuz tikililərin sənədləşdirilməsi haqda fərmanına toxunan qəzet Bayıl, Sulutəpə, Alatava və “Şanxay” adlı ərazilərindəki belə evlərin sənədləşdirilməyəcəyini nəzərə çatdırır.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz