Üzümçü-professor

Hökumətin hətta cüzi maliyyə şəffaflığı dövlət qulluqçularının çoxlu daşınmaz əmlak obyekti, o cümlədən torpaq sahəsinə malik olduğunu aşkara çıxarır. Onların sırasında Prezident Administrasiyasının rəhbəri, Korrupsiya ilə Mübarizə Komissiyasının sədri Ramiz Mehdiyev də var.

2014-cü ildən Kənd Təsərrüfatı Nazirliyi öz saytı vasitəsilə е (www.agro.gov.az) kənd təsərrüfatı subsidiyaları alanları açıqlayıb. Onların sırasında Ramiz Mehdiyevin həyat yoldaşı Qalina Yuryevna Mehdiyeva da var. Onun Novxanıda 100 hektar üzüm plantasiyası və Sabunçudakı keçmiş subtropik bitkilər sovxozunun ərazisində 8,9 ha torpağı var. Dövlət büdcəsindən bir ildə bu torpaqların becərilməsinə 4356 manat (http://agro.gov.az/index.php?cat=200&ses=e10bb) subsidiya ayrılıb.

70 yaşlı Qalina Mehdiyeva professor, fizika-riyaziyyat elmləri doktoru, Bakı Dövlət Universiteti hesablama riyaziyyatı kafedrasının müdiri, İdarəetmə Sistemləri İnstitutu (2014-cü ildən Kibernetika İnstitutu) Dissertasiya Şurasının (http://ru.cyber.az/index.php?newsid=9) üzvüdür. O, hesablama praktikası və proqramlaşdırma üzrə 4 dərs vəsaitinin, 39 elmi məqalənin (http://mechmath.bsu.edu.az/ru/content/qalina_mextieva_569) müəllifidir. Amma ərinin köməyi olmadan alim maaşı ilə o, çətin ki kənd təsərrüfatında belə uğur qazana bilərdi.

Mətbuata sızan informasiya təsdiq edir ki, Mehdiyevlər ailəsinin bank sektorunda biznesi var. Qızları Nigar Azərbaycan Tibb Universiteti Onkologiya Klinikasının süd vəzi onkologiyası şöbəsinin rəhbəri və 75% səhmlə “Bank BTB” ASC Müşahidə Şurasının üzvüdür (http://btb.az/az/about-us/bank-haqqinda-header/management-board). Onun həyat yoldaşı İlham Əliyusif oğlu Əliyev Milli Məclisin deputatıdır və cəmiyyətdə tikinti sektorunda çalışan biznesmen kimi tanınır.   08B