![Mətbuat-monitorinq 19.12.15](https://turan.az/resized/750/500/resize/media/2015/main/121900140891.jpg)
Mətbuat-monitorinq 19.12.15
Rəsmi qəzetlər dövlət başçısı İlham Əliyevin Apellyasiya Məhkəməsi hakimlərinin təyin edilmələrilə bağlı sərəncamının mətnini ilk səhifələrdə yerləşdiriblər.
“Azadlıq” qəzeti ABŞ-Azərbaycan münasibətləri, ölkənin iqtisadi durumu ilə bağlı yazı və şərhlərə geniş yer verib.
ABŞ Konqresində Azərbaycanın yüksək rütbəli məmurlarına sanksiya da nəzərdə tutan “Azərbaycanda Demokratiya Aktı” layihəsinin müzakirəyə çıxarılması səylərinə rəsmi Bakının isterik münasibəti “sanksiya layihəsinin iqtidarı şoka salması” kimi dəyərləndirilir. Bu Aktın sanksiya müddəalarının dayandırılması üçün ekspertlərin rəsmi Bakıya anti-Avropa və anti-ABŞ təbliğatını dayandırmağı, siyasi məhbus, söz, ifadə, azad sahibkarlıq sahəsindəki problemləri ardan qaldırmağı təklif edirlər. Müxalif siyasilər adı çəkilən layihəni “rəsmi Bakını islahatlara məcbur etmək yönündə ilk addım” kimi qiymətləndirirlər.
Ölkənin düşdüyü böhrandan az itki ilə çıxması üçün ekspertlər büdcə təşklatlarında işləyənlərin 450 min nəfərə endirilməsini, yəni, 50%-ə qədər ixtisar, geniş əhatəli siyasi-iqtisadi islahatlar aparılması təklifləri səsləndiriblər.
AXCP sədri Əli Kərimli manatın məzənnəsinin saxlanması üçün son bir ildə itirilən vəsaitin büdcədə səhiyyəyə ayrılan vəsaitdən 13, kənd təsərrüfatına ayrılan vəsaitdən 17, iqtisadi fəaliyyət üçün ayrılan vəsaitdən 40, sahibkarlığa ayrılan vəsaitdən 150, ipotekaya dəstək üçün ayrılan vəsaitdən 200 dəfə çox olduğunu nəzərə çatdırır.
Qarabağ döyüşlərində şəhid oaln şəxslərin sığorta pullarının hələ də ödənilməməsini ictimai birliklər “Azərbacan dövləti, adına, Konstitusiya məhkəməsi adına ayıb” adlandırıblar.
Məşhur investisiya bankı Goldman Sachs neft ixrac edən ölkələrə neftin qiymətinin 20 dollara qədər enəcəyi xəbərdarlığı edir.
“Ekspress” qəzeti parlament spikeri Oqtay Əsədovun ilin sonunda əfv fərmanı olacağına dair açıqlamasını, İsveçərdə Azərbaycan və Ermənistan dövlət başçılarının görüşü haqda xəbəri diqqət mərkəzinə çəkib.
Ölkənin yumurtaya tələbatının tam ödənildiyini deyən Quşçuluq Cəmiyyətinin sədri Aydın Vəliyev yumurta qıtlığı yaşanmasını bəzi işbazların əməli kimi dəyərləndirib.
Türkiyə qırıcılarının vurduğu “Su-24” hərbi təyyarəsinin “qara qutusu”nu açmazdan öncə təyyarənin Türkiyənin hava məkanını pozmamasını “sübut” edəcəklərini deyən Rusiya generaliteti “qutu” açıldıqdan sonra yararsız hala düşdüyünü bildiriblər.
“Novoe Vremya” qəzeti Azərbaycan və Ermənistan dövlət başçılarının İsveçrə görüşünə “dəyişiklik gözləməyə dəyməz” şəhri verərək, onu faydasız sayması mövqeyini ön plana çıxarıb.
“Bizim yol” qəzeti Mərkəzi Bankın bir həftə ərzində 748 milyon dollar itirməsini, dollara tələbatın kəskin artmasını, dövlətin pul ehtiyatlarının azalmasını ilk səhifəyə yerləşdirib.
“Yeni Müsavat” qəzeti başçılıq etdikləri nazirliklərdə törədilən çoxsaylı cinayətlərə baxmayaraq, MTN-in keçmiş şefi Eldar Mahmudov və keçmiş rabitə naziri Əli Abbasova səhlənkarlıq xarakterli ittihama “niyə səhlənkarlıq maddəsi?” etirazını ilk səhifəyə çıxarıb.
Rusiya ilə münasibətlərin korlanmasından sonra Türkiyə-İsrail əlaqələrinin bərpasını qəzet Moskva, Tehran və İrəvanın təlaşa düşməsi kimi nəzərə çatdırır.
Rəsmi Bakının yüksək rütbəli şəxslərinə sanksiyanı da nəzərdə tutan “Azərbaycanda Demokratiya Aktı” layihəsinin ABŞ Konqresində müzakirəyə çıxarılması səylərinə müxalif siyasilər “demokratiya prinsiplərinə əməl etməklə bağlı ABŞ-ın uzun illər çoxsaylı xəbərdarlıqlarından sonra bu addım gözlənilən idi” şərhi veriblər.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz