Beynəlxalq təşkilatlar Elton Quliyevin ölümündən kədərlənib

İnsan Hüquqları Evi beynəlxalq hüquq müdafiə şəbəkəsinin iştirakçıları məşhur azərbaycanlı vəkil Elton Quliyevin vaxtsız ölümü ilə bağlı başsağlığı veriblər.

Təşkilatın icraçı direktoru Mariya Dalenin imzaladığı bəyanatda deyilir ki, Elton Quliyev insan hüquqları sahəsində məşhur vəkil idi. O, Xədicə İsmayılova, İntiqam Əliyev, Emin Milli və bir çox başqalarının müdafiəçisi olub.

Onun peşəkar bacarıqları heyranlıq doğururdu və onu həmişə təkcə yaxınları deyil, insan hüquq və azadlıqlarına dəyər verən hər kəs xatırlayacaq.

“Elton Quliyevin ölümü özünü fəalların və hüquq müdafiəçilərinin müdafiəsinə həsr etmək istəyən vəkillərin az olduğu Azərbaycanın vətəndaş cəmiyyəti və hüquqşünasları üçün böyük itkidir”, deyə bəyanatda vurğulanır. -02D-