Jurnalist Rasim Əliyevin qətlinin araşdırılması üzrə ictimai qrup yaradılıb. Qrupa məşhur jurnalistlər, hüquq müdafiəçiləri, hüquqşünaslar və ictimai xadimlər daxil olub.
Cümə günü qrupun ilk təsis iclası keçirilib, dünən Bakı şəhər prokurorluğunun istintaqı yekunlaşdırmasından sonrakı vəziyyət müzakirə olunub.
Qrup jurnalistin ölümünün səbəblərinin və bununla bağlı müxtəlif qurumların fəaliyyətinin ictimai araşdırmasını həyata keçirəcək.
Uzun müddət Reportyorların Azadlıq və Təhlükəsizlik İnstitutunda işləmiş jurnalist Rasim Əliyev 2015-ci il avqustun 8-də “Qəbələ” futbol klubunun forvardı Cavid Qurbanovun maraqlarını təmsil edən bir qrup şəxs tərəfindən döyülmə nəticəsində dünyasını dəyişib. Futbolçu və onun əlbirləri həbs edilib və gələn ilin əvvəlində məhkəməyə çıxarılacaqlar. -0-
Cəmiyyət
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
Rəy yaz