Rəsmi qəzetlər dövlət başçısı İlham Əliyevin Vyetnama səfərilə bağlı xəbərləri ilk səhifələrdə yerləşdiriblər. Bundan əlavə, bu qəzetlərdə ABŞ-ın Azərbaycandakı səfiri R.Morninqstarın rəsmi Bakını tənqidə məruz qoyan müsahibəsinə PA-nın şöbə müdiri Əli Həsənovun cavab müsahibəsi də əksini tapıb.
“Azadlıq” qəzeti son vaxtlar hökumətyönlü mətbuatda ABŞ siyasətinin aşağılamasını “iqtidardan Amerikaya hücum” əmri sayaraq ilk səhifəyə çıxarıb və buna səbəb kimi ABŞ-ın Azərbaycandakı səfiri R.Morninqstarın rəsmi Bakını tənqidə məruz qoyduğu müsahibəsi göstərilir.
Qəzet qeyd edir ki, Fransanın Azərbaycandakı səfirliyi bu günlərdə vətənlərinə dönərkən fransalı jurnalistlərin Bakı aeroportunda saxlanmalarının araşdırılması üçün Azərbaycan XİN qarşısında məsələ qaldırıb.
Qəzetin yazdığına görə, Almaniya mətbuatı Azərbaycanda siyasi motivli repressiyaların güclənməsinə görə Avropa Şurasının yürütdüyü siysəti təniqd edib.
İqtidarın inkar etməsinə baxmayaraq, siyasi ekspertlər ölkədə Rusiyaya xidmət edən ciddi “5-ci kolon” olduğunu bəyan edir, bunu dövlətçiliyə təhlükə sayırlar.
“Ekspress”. Qaxda “Yehova Şahidləri” təriqətini yayan 3 şəxs saxlanılıb və onlarda olan “Əhdi-Ətiq” kitabı müsadirə edilib.
“Exo” ekspertlərə istinadən qeyd edir ki, 20 ildir davam edən işğal nəticəsində Ermənistanın Azərbaycana vurduğu ziyan 300-400 milyard dollar arasındadır.
“Novoe Vremya” ABŞ səfiri R.Morninqstarın müsahibəsinə rəsmi Bakının “Bizə necə yaşamağı öyrətməyin” reaksiyasını önə verib.
“Bizim yol” ABŞ-ın Azərbaycandakı səfiri R.Morninqstarın rəsmi Bakını tənqid eən müsahibəsinə rəsmi cavabları “ABŞ-la Azərbaycanın arasında diplomatik qalmaqalın böyüməsi” sayaraq ilk səhifədə yerləşdirib.
“Yeni Müsavat” erməni mənbələrinə istinadən rəsmi Bakı Kremlin Qərbə çox yaxınlaşmamaq, RF-nin iqtisadi-siyasi nəzarət sferasına dönmək, ölkədə RF-nin hərbi mövcudluğunu qəbul etmək şərtlərinə razılaşdığı halda Qarabağ və ətraf ərazilərin Bakıya qaytarılacağı iddiaları ilk səhifəyə çıxarıb.
Qəzet bu günlərdəki müsahibəsində ABŞ-ın Azərbaycandakı səfiri R.Morninqstarın rəsmi Bakını sərt tənqid etdiyinə görə ABŞ səfiri iqtidar tərəfdən “daxili işlərə qarışmaq” ittihamına məruz qoyulub.
Ölkənin müxalif qüvvələri rəsmi Bakının narazılığına səbəb olan ABŞ-ın Azərbaycandakı səfirinin açıqlamasına “biz Amerika səfirindən belə müsahibəni çoxdan gözləyirdik” mövqeyini ifadə ediblər.
Cəmiyyət
-
Daxili İşlər Nazirliyinin Kibertəhlükəsizliyə Qarşı Mübarizə Baş İdarəsinin əməkdaşlarının keçirdiyi əməliyyat nəticəsində Əhməd Məmmədov və Etibar Vəliyev saxlanılıb. Onlar vətəndaşların bank kartlarından pul oğurlamaqda şübhəli bilinirlər.
-
İyulun 17-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin günün birinci yarısında bəzi yerlərdə arabir yağış yağacağı gözlənilir. Mülayim şimal-qərb küləyi əsəcək.
-
Sosial şəbəkələrdə polis əməkdaşının vətəndaşın cibinə bir paket qoyduğuna, daha sonra şiddət tətbiq edərək onu saxladığına dair görüntülər yayılıb. Bu kadrların yayılmasından bir gün sonra DİN onlara münasibət bildirib.
-
Fövqəladə Hallar Nazirliyinin "112" qaynar telefon xəttinə Xızı rayonu, Yeni Yaşma qəsəbəsi ərazisində sursat aşkar edilməsi barədə məlumat daxil olub. Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Rəy yaz