Rəsmi və iqtidaryönlü qəzetlər dövlət başçısı İlham Əliyevin Ukrayna və Avstriya səfərləri, Ermənistan dövlət başçısı Serj Sarkisyanla görüşü haqda xəbərləri ilk səhifəyə çıxarıblar.
“Azadlıq” qəzeti “Avrasiya İttifaqı” ilə bağlı məsələdə rəsmi Bakının rəsmi Kremlin təzyiqlərilə üzləşəcəyini “Rusiya gərginliyi” adlandırır.
Rəsmi Bakının İsraillə sadələşdirilmiş viza sisteminin tətbiqilə bağlı müqavilə imzalamağa hazırlaşmasını qəzet “İran və Türkiyəni qıcıqlandıran qərar” kimi dəyərləndirir.
ABŞ-ın Azərbaycandakı keçmiş səfiri Kozlariç Qarabağ münaqişəsinin tənzimlənməsilə bağlı danışıqların “imitasiyaya çevrilməsi” barədə bəyanat səsləndirib.
Hakim YAP-ın veteranları hazırda həbsdə olan keçmiş nazir Əli İnsanovun azadlığa çıxması barədə Avropa məhkəməsinin qərarının icra edilməməsini əsassız adlandırıblar.
Milli Şuranın üzvü Eldəniz Quliyev Müsavat Partiyasını Milli Şuranı parçalamaqda ittiham edib.
Azərbaycanlı iş adamı Mehdi Cəfərovun Xarkovda fəaliyyət göstərən “Ailə ocağı” restoranına daş, dəyənəklə silahlanmış 10-15 nəfərlik dəstə hücum edərək restoranı dağıdıb, işçilərə xəsarət yetirib. Bacqınçılar milliyyətcə ruslardır.
“Ekspress” Rusiyanın Ermənistanla birgə Hava Hücumundan Müdafiə sistemi quracağı haqda bəyanatına “Ermənistan səmasına “sipər” çəkilməsi” şərhini verir.
2012-ci il ilə müqayisədə 2013-cü ilıdə qida məhsulları idxalının kəskin artmasını qəzet “kəskin narahatlıq” adlandırır.
“Novoe Vremya” Vilnüsdə gözlənilən Şərq Tərəfdaşlığı sammitinin indidən nəticələri ilə bağlı açıqlamalara “sammit ehtirasları və ya Vaşinqtonun geosiyasi oyunları” mövqeyini ifadə edir.
Qəzet Azərbaycan və Ermənistan dövlət başçılarının Vyana görüşünün mənasızlığını “görüşdüllər və ayrıldılar” şəklində nəzərə çatdırır.
“Bizim yol” yazır ki, 2012-ci ildə 12 abituriyent test üsulu ilə Bakı Musiqi Akademiyasının menecmentlik fakültəsinə daxil olublar, bir il də təhsil alıblar.
2013-cü ildə dərsə gələn bu 12 nəfərə fakültənin bağlanması xəbəri verilib, daha maraqlısı bu ki, Təhsil Nazirliyi bu fakültənin təsadüfən açıldığını bildirib.
“Yeni Müsavat” Elmlər Akademiyasının Nəsimi İnstitutuna ayrılan 2 milyon manatın mənimsənilməsi haqda yazaraq bunu “alimlərin akademik talanı” adlandırır.
“Deputat mandatı alveri” kimi ağır dövləti cinayətdə ittiham olunmasına baxmayaraq, keçmiş deputat Gülər Əhmədovaya 4 il cəza istənilməsini ekspertlər “bunun qanunlara yox, “yuxarı”ların istəyinə uyğun olması” adlandırıblar.
Metropoliten stansiyalarında qəzet-kitabdan başqa hər şeyin satışına icazə verilir.
Mətbuat Şurasının sədri Əflatun Amaşovun sözlərinə görə, metrpoliten rəhbərliyi bu qadağanı “terror təhlükəsinin qarşısının alınması” məqsədilə izah edir.
Ölkənin gənc yazarları metropolitendə qəzet-kitab satışına qadağa qoyulmasını “gələcəyin məhv edilməsi” kimi dəyərləndiriblər.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz