Dövlət Departamenti prezidentlər İlham Əliyevlə Serj Sarkisyanı sülh axtarışını davam etdirməyə çağırır
ABŞ Dövlət Departamenti Azərbaycan və Ermənistan prezidentlərinin Vyanada dünənki görüşünü alqışlayaraq tərəfləri “ərazi” münaqişəsinin tənzimlənməsi üçün dinc yolların axtarışının davam etdirilməsinə çağırıb.
“ABŞ Vyanada ATƏT-in Minsk Qrupunun həmsədrlərinin himayəsi ilə Ermənistan və Azərbaycan prezidentlərinin görüşünü alqışlayır”, - Dövlət Departamentinin rəsmi nümayəndəsi Cenifer Psakinin bəyanatında deyilir.
“Biz Ermənistan və Azərbaycan prezidentlərinin bu addımını dəstəkləyirik və yaxın aylarda qarşıdakı görüşü razılaşdırmağa çağırırıq. Onların son görüşü təxminən iki il əvvəl olub və bu görüş dialoqun bərpası yolunda mühüm addımdır, liderlərin Dağlıq Qarabağ münaqişəsinə son qoyulmasına sadiqliyini nümayiş etdirir.
ATƏT-in Minsk Qrupunun həmsədri kimi ABŞ Rusiya və Fransa ilə birlikdə hər iki prezidenti tərəflər üçün ağır itkilərə səbəb olmuş bu münaqişənin dinc yolla nizamlanmasına nail olmaq məqsədilə fəal çalışmağa çağırırıq”, - bəyanatda deyilir. -25V-
Siyasət
-
İsrail prezidenti İsaak Hersoqun Bakıda keçirilən COP29 iqlim konfransına planlaşdırılan səfəri Türkiyə prezidentin təyyarəsinin uçuşuna icazə vermədiyi üçün ləğv edilib, - deyə bazar günü, noyabrın 17-də Azərbaycan və İsraildəki mənbələr bildiriblər.
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
Rəy yaz