Mətbuat-Monitorinq 21.04.14

Rəsmi və iqtidaryönlü qəzetlər dövlət başçısı İlham Əliyevin ABŞ Nümayəndələr Palatasının sədri və onu müşayiət edən konqresmenləri qəbul etməsi xəbərini ilk səhifələrə çəkiblər.

“Azadlıq” qəzeti ARDNŞ prezidenti Rövnəq Abdullayevin oğlu Rəşad Abdullayevin Türkiyədə təhsil alan tələbələri iqtidara tərəf çəkmək fəaliyyətilə məşğul olmasını önə çəkib.

Bakıda səfərdə olan ABŞ konqresmenləri Milli Şura rəhbərliyilə görüşüblər.

Əsassız ittihamlarla mühakimə edilən NİDAçı gənclərə həbs qərarının  istənilməsinə etiraz olaraq valideynlər aclıq aksiyasına başlayıblar.

İittiham olunmalarını və gözlənilən həbslərini əsassız sayaraq aclıq aksiyasına başlayan NİDAçı gənclər “buradan ya cəsədimiz çıxacaq, ya da bizi azad etməlidirlər” bəyanatını  səsləndiriblər.

Media təmsilçiləri tanınmış jurnalist Rauf Mirqədirovun həbsinə “bu, Türkiyənin  baş naziri Ərdoğanın “nurçu”lar siyahısı ilə bağlıdır” şərhini  veriblər.

“Yeni Müsavat” qəzeti tanınmış jurnalist Rauf Mirqədirova qarşı dövlətə xəyanət etmək ittihamının  irəli sürülməsini və ittihamın media təmsilçilərində təəccüb yaratmasını ilk səhifəyə çıxarıb.

Qəzet paytaxt Bakıda avtomobillərin saxlanması məsələsinin birmənalı olaraq Bakı meriyasına tapşırılmasını “Hacıbala Abutalıbovun parkinq biznesini inhisara alması” kimi dəyərləndirir.

Deputat Qüdrət Həsənquliyev amnistiya elan olunaraq siyasi məhbusların azadlığa buraxılmasını təklif edib.

Qəzet Qərb ekspertlərinə istinadən Qərbin qazla təminatında Bakının Rusiyaya rəqib olmaması üçün rəsmi Kremlin əlindən gələni edəcəyi bəyanatını səsləndirib.

Ukrayna hadisələrindən sonra Azərbaycanda bəzi qüvvələrin ruspərəst mövqe tutmalarını deputat Vahid Əhmədov “bəzi qüvvələrin iç üzlərini ortaya qoymaları” kimi dəyərləndirib.