Mətbuat-Monitorinq 21.08.13

Rəsmi və iqtidaryönlü qəzetlər dövlət başçısı İlham Əliyevin kənd, meşə, su təsərrüfatları, ətraf mühitin mühafizəsi, hidrometeorologiya, sosial təminat sahəsində əmək haqlarının 10 artırılması, Şəki şəhərinin sosial inkişafı üçün 2 milyon və Aşağı Göynük-Baş Göynük- Baş Şabalıd avtomobil yolunun tikilməsi üçün 2, 5 miyon manatın ayrılması haqda sərəncamlarının mətnlərini dərc ediblər.

Bu qəzetlər öz səhifələrində ölkənin etiraz elektoratının birilyi olan Milli Şuranın “iflasa uğraması” və müxalifət liderlərinin “ölkə və xalqa xəyanət etməsi” yönündə çoxsaylı məqalələr yerləşdiriblər.

“Azadlıq” qəzeti ölkədə strat götürmüş prezident seçkilərinin indiki mərhələsinə geniş yer verib. 

Qəzet ölkənin etiraz elektoratını birləşdirən Milli Şuranın parçalanmasını gözlədiyi halda Cəmil Həsənlinin vahid namizəd ola bilməsinin rəsmi Bakını məyus etməsi xəbərini ilk plana çıxarıb. 

Həbsdə olan REAL hərəkatının sədri İlqar Məmmədovun prezidentliyə namizədliyinin qeydə alınması üçün prokurorluq notariusu onun yaxınına buraxmır. 

Qəzetə şərh verən ekspertlər builki prezident seçkilərində çoxsaylı namizədlərin qeydə alınmasını çıxışlar üçün verilən efir vaxtının azaldılmasına hesablandığını bəyan ediblər. 

Ekspertlər dövlət başçısı İlham Əliyevin vətəndaşların işlə tam təmin olunmaları haqda bəyanatını ekspertlər “seçkiyə hesablanmış bəyanat” adlandırıblar. 

Qəzet saytına olan kiber hücumların dayanmamasını “rəsmi Bakının tənqidi saytların “ovuna” çıxması” kimi şərh edir. 

“Zerkalo” ölkənin etiraz elektoratının birliyi olan Milli Şuranın vahid namizədini müəyyən etməsi üçün 10 gün vaxt qalmasını “qurumun asılmış durumda olması” kimi dəyərləndirir.

“Ekspress” Milli Şurada dağınıqlıq ovqatının olduğunu yazaraq qurum üzvlərindən birinin bu hala “bunu gizləmək mümkün deyil” bəyanatını səsləndirməsinə diqqət çəkir.

Qəzetin yazdığına görə, son 3 ayda Azərbaycan Cənubi Afrikadan 13 milyon dollarlıq silah alıb.

“Novoe Vremya” ölkədə demokratik seçki mühitinin olmadığı halda ABŞ-ın Azərbaycan səfirliyinin “demokratik seçki” bəyanatları səsləndirməsinə “ümid ən sonda ölür?” təəccübünü ifadə edir.

“Bizim yol” Milli Şurada tanınmış tarixçi Cəmil Həsənlinin vahid namizədliyinin əleyhinə 4 partiyanın çıxdığını yazaraq qurumdakı durumu “kritik” adlandırır.

“Yeni Müsavat” səfir Eldar Həsənovun  əleyhinə kampaniyanın aparılmasını, onun məqsədləri, arxasında kimlərin dayanmasını rəsmi Bakıya açıqlamasını və konkret adlar çəkməsini “rəqiblərinə zərbə” adlandırır.

Qəzet Milli Şuranın sədri Rüstəm İbrahimbəyovun yeni vahid namizəd məsələsini quruma daxil olan siyasi qüvvələrlə razılaşdırdığını, qurumun təsisçilərindən olan 4 təşkilat isə buna konsensus vermədiyini bildirir.   

Milli Şuranın bəzi üzvləri qurumun düşdüyü durumu “böhran” və “dalana dirənmək” kimi dəyərləndiriblər.

Azərbaycana qarşı terror haqda İsrail xüsusi xidmət orqanlarının xəbərdarlığını yerli təhlükəsizlik ekpsetləri “real təhlükə” kimi şərh ediblər. 

Qəzet Bakı Tikiş Evinə istinadən valideynlərə paytaxt bazar və mağazalarının saxta və keyfiyyətsiz məktəbli geyimlərilə dolu olması barədə xəbərdarlıq edib. 

Təhsil ekspertləri yeni təhsil naziri təyin edildikdəın sonra belə durumun müsbətə doğru dəyişmədiyini deyərək bu sahədə “kazarma sisteminin hökm sürməsi” qənaətini ifadə ediblər.

“Bakı Xəbər” qəzetinin iddiasına görə, Azərbaycandakı Qərb diplomatları Milli Şuranın 18 avqust aksiyasını qapalı toplantılarında müzakirə ediblər.