Mətbuat-Monitorinq 21.08.15

Rəsmi qəzetlər hakimiyyətin təbliği yönündə yazıları ilk səhifələrə çıxarıblar.

Bu qəzetlər siyasi və insan azadlıqları yönündə fəaliyyət göstərən qurum və şəxslərin əleyhinə məqalələr dərc ediblər.

 “Azərbaycan” qəzeti bir neçə keçmiş AXCP-çinin partiyada hakimiyyəti ələ keçirmək səylərinə dair dərc etdiyi məqaləni “AXÇP-çilərin yeni hərəkata başlaması” kimi dəyərləndirir.

“Xalq qəzeti” isə həbsə alınmış hüquq müdafiəçisi Leyla Yunusu “Azərbaycanı müdafiə edən” AŞPA deputatlarına itithamlar irəli sürməkdə, AXCP-ni isə hakimiyyətə gəlmək üçün İŞİD terror qruplaşması ilə müttəfiq olmağa hazır olmaqda suçlayan məqalələr dərc edib.  

 

“Azadlıq”  ölkənin ən iri tikinti şirkətlərinin çökməkdə olduqları iddiasını manjetə çəkərək “Azərbaycanda mənzil üsyanının baş verə bilməsi” xəbərdarlığı edir.

Qəzet ölkənin ictimai-siyasi, sosial-iqtisadi, beynəlxalq münasibətlər sahəsinə dair mövqelər dərc edib.

ATƏT Daimi Şurasının Vyana toplantısında Qərb ölkələrinin rəsmi Bakının repressiyalarına tənqidi münasibətinə Azərbaycan nümayəndə heyəti “qərəzli yanaşmanı rədd edirik” absurdu ilə cavab verib.

Parlamentdə kimin üstün olması məsələsilə bağlı qarşıdakı parlament seçkilərində şərti “Naxçıvan klanı” ilə Paşayevlər arasında ən ciddi mübarizə gedəcəyii nəzərə çatdırılır.   

Sosial şəbəkə istifadəçiləri keçmiş AXCP-çi Razi Nurulla və tərəfdarlarının AXCP-də hakimiyyəti ələ almaq istəyini “hakimiyyətin hərəyə bir  AXCP yaradaq” kampaniyası” kimi ələ salırlar.

Cəlilabad Rayon İcra hakimiyyəti başçısının birinci müavini Asif Əzizovun işdən kənarlaşması ilə başa çatan komitə sədri Kərəm Həsənovla insidentə rəy yazan  rayonun Facebook istifadəçiləri təzyiqlərə məruz qalırlar.

Ekspertlərə görə, ölkədə baş verə biləcək manatın ikinci devalvasiyası “banklar üçün edam kəndiridir”.

Mərkəzi Bankın istehlak kreditlərinin vətəndaşın maaşına uyğun verilməsi qərarını ekspertlər “əhalinin kreditsiz, bankların maliyyəsiz qalması” sayırlar.

Ekspertlər neftin ucuzlaşması ilə ölkədə daşınmaz əmlak bazarının 40%, avtomobil idxalının 2 dəfə azaldığını, problemli kreditlərin 30% artdığını bəyan ediblər.

 

“Ekspress”   “Straftor”a isnadən Qafqazın Qərblə Rusiya arasında yeni qarşıdurma nöqtəsi ola biləcəyini diqqət mərkəzinə çəkir.

 

“Exo” ekspertlərə isnadən ölkənin qiymətli kağızlarının borc bazarına çıxa bilməməsini önə çəkərək bunu iqtisadiyyatlın zəif olması ilə əlaqələndirir.     

               

“Novoe Vremya”  neftin ucuzlaşması ilə ölkənin valyuta ehtiyatlarının tükənmək həddində olmasını ön plana çıxarıb.    

         

“Bizim yol”   “Bank Technigue”nin müflisləşməsilə bağlı əmanətçilərin bank önünə toplaşaraq əmanətlərinin qayrtarılmasını tələb etmələrini ilk səhifəyə yerləşdirib.

Qəzet ölkənin daxili həyatı ilə bağlı sahələrə toxunur.

Keçmiş nazir Füzuli Ələkbəovun oğlu Vüqar Ələkbərovun Beynəlxalq Banka kredit borcuna görə saxlandığı deyilir.   

Hökumətin inzibati yolla bahalaşmanın qarşısını almaq istəməsinə ekspertlər “bahalaşmanı bu yolla dayandırmağın mümkün olmaması” şərhini veriblər.   

Yasamal Rayon İcra Hakimiyyətinin sənədi əsasında A.Ağayev küçəsindəki binaların birində aparılmış tikintiləri Bakı meri Hacıbala Abutalıbovun sökdürmək istəməsi müqavimətlə qarşılanıb,  söküntü işləri dayandırılıb.     

 

“Yeni Müsavat”  Qərb ölkələri səfirlərinin müxalifət qüvvələrilə görüşlərinin arxzasında bu qüvvələrin boykota hazırlaşdırılması kimi “sensasion təfərrüat” durması iddiasını ilk səhifəyə çıxarıb.

Bu ilin may ayında Binəqədi kütləvi ölümlə müşayiət edilən yanğına görə səfir Abbasəli Həsənovun oğlu Anar Həsənovun istintaqa cəlb edildiyi, bir müddət sonra isə ölkədən çıxarıldığı bildirilir.

Ekspertlər ölkənin bank və tikinti sektorunda böhranlı durumun yarandığını, ixtisarların olduğunu, yaşayış səviyyəsinin aşağı düşdüyünü bəyan edirlər.

Rəy yaz

Cəmiyyət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti