Bu gün jurnalist Xədicə İsmayılovanın işi üzrə prosesdə çıxış edən dövlət ittihamçısı Ramazan Hadıyev jurnalistin 9 il azadlıqdan məhrum edilməsini istəyib.
Dövlət ittihamçısının sözlərinə görə, məhkəmə istintaqı X.İsmayılovanın bütün maddələr üzrə günahını sübuta yetirib.
Prokurorun çıxışını Turan-a şərh edən vəkil Fariz Namazlı deyib ki, müdafiə tərəfi prokurorla razı deyil və X.İsmayılovaya bəraət tələb edəcək.
Xatırladaq ki, X.İsmayılova CM-in 125 (intihar həddinə çatdırma), 179.3.2 (küllü miqdarda mənimsəmə), 192.2.2 (qanunsuz sahibkarlıq), 213.1 (vergidən yayınma) və 308.2 (vəzifə səlahiyyətindən sui-istifadə) maddələri ilə ittiham olunub.
X.İsmayılova ittihamları rədd edərək onları siyasi motivli sayır.
Amnesty İnternational jurnalisti “siyasi məhbus” kimi tanıyıb.
Növbəti məhkəmə iclası avqustun 26-na təyin edilib. Prosesdə vəkillərin çıxışları gözlənilir.03C16-
Cəmiyyət
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
Rəy yaz