Mətbuat-Monitorinq 21.11.12
Rəsmi qəzetlər dövlət başçısı İlham Əliyevin Sinqapura səfərə getməsi haqda xəbərləri ilk səhifəyə çıxarıblar. Bundan əlavə, bu qəzetlər partiyaların maliyyə hesabatları təqdim etmələri haqqında sənədlərin formalarını dərc edib.
“Yeni Azərbaycan” qəzeti tanınmış ziyalı Rüstəm İbrahimbəyovu “milli xəyanətkar” təhqirinə məruz qoyub.
“Azadlıq” qəzeti iqtidarı yaydığı videolarla ifşa edən keçmiş rektor Elşad Abdullayevin yayacağı daha 3 videoya “ölkəni qarışdıra biləcək üç video” mövqeyini ifadə edir.
İsveçrənin “Neue Zürcher Zeitung” qəzeti Əliyev rejiminin xaricdəki lobbiçilik siyasətini daxildə yürüdülən avtoritarizmə “legitimlik donu” geyindirməyə hesablandığını yazır.
Rüşvət olayında ifşa edilən keçmiş deputat Gülər Əhmədova onun barəsində yazılanlara görə “Yeni Müsavat” qəzetini məhkəməyə verəcəyilə hədələyib.
Naxçıvan MTN-nin əməkdaşı İbrahim Musayev yoxa çıxıb,
“Zerkalo” regiondakı ictimai-siyasi durumu təhlil edərək “geosiyasi reallıqların və Qarabağın “tanınması”nın Azərbaycanı genişmiqyaslı hərbi əməliyyatlara başlamağa vadar edə bilər” rəyini verir.
“Ekspress” Türkiyədə növbəti toplantısı keçirilən Avrasiya İslam Şurası Xocalı faciəsini “soyqırım” kimi tanımasını “islam dünyasından Azərbaycana böyük dəstək” kimi dəyərləndirir.
“Exo” Berlinlə Moskva arasında münasibətlərin “soyuması” nəticəsində Avropa Birliyinin alternativ qaz mənbələrinə, o cümlədən Azərbaycana diqqət yetirdiyini yazaraq faktı “Avropa “qaz müharibəsi”nin astanasındadır?” təəccübü ilə ifadə edir.
“Novoe Vremya” əsas qaz-neft boru kəmərlərinin mühafizəsilə bağlı Azərbaycanın NATO-ya müraciətini “Bakının NATO önündə regiona qapı açması” kimi dəyərləndirir.
“Bizim yol” qəzetinə şərhlərində son 11 ayda 87 hərbçidən 68-nin qeyri-döyüş şəraitində itirildiyini bəyan edən hərbi ekspertlər çıxış yolu kimi Müdafiə Nazirliyinin rəhbərliyinin dəyişdirilməsini təklif edirlər.
“Yeni Müsavat” Moskvada şərti “milyarderlər ittifaqı”nın təsisiçiləridnən olmuş Abbas Abbasovun Azərbaycandakı biznes qurumlarının əlindən alınmasını ilk səhifəyə çıxarıb.
İdman akademiyasının rektoru Ağacan Əbiyev əslən bakılı, tanınmış ziyalı Rüstəm İbrahimbəyovun rəsmi Bakıya qarşı tənqidlərini “Azərbaycana bir o qədər də bağlı olmayan adamın özünü qəhrəman kimi tanıtması” açıqlamasını qəzet “hakim düşərgədən yeni ittihamlar” adlandırır.
-
- Siyasət
- 20 Noyabr 2012 17:58
-
- İqtisadiyyat
- 21 Noyabr 2012 11:23
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz