ARDNŞ ilkin emal benzini istehsalını kəskin azaldıb

2012-ci ilin 10 ayında Azərbaycanda 1 mln 195 min ton benzin: 1 mln 68 min 900 ton avtomobil və 126,7 min ton ilkin emal benzini istehsal edilib. Bu, ötən ilin eyni dövründəkindən 0,2% və 28,3% azdır. 

Qeyd edək ki, 2011-ci ildə ARDNŞ 1 mln 514 min ton benzin istehsal edib. 2010-cu il ilə müqayisədə avtomobil benzini istehsalı 47 min, ilkin emal benzini istehsalı 14,27 min ton artıb.

Statistika ilkin emal benzini istehsalının kəskin azalmasının səbəbini göstərmir. Ondan adətən qətran, polimer, plastmass hazırlanır. Oktan ədədi yüksək - 54-66 olduğu üçün ondan avtomobil benzini kimi istifadə mümkün deyil. Amma xüsusi qatqılarla ondan saxta benzin düzəltmək olar. Belə manipulyasiyalar keçmiş SSRİ ölkələrində tez-tez baş verir. 

Rusiyanın “Pravda” qəzeti yazır ki, formal olaraq saxta benzində oktan ədədini avtomobil yanacağında olana yaxın göstəriciyə çatdırmaq olur. Amma bu, həqiqi benzin görüntüsüdür. Surroqat yanacaq "çirkli" olur.  Nəticədə yanacaq sistemi korlanlır, benzin nasosu və forsunka tutulur, metal konstruksiyalar paslanır, rezin detallar çürüyür. 

YDM sahibləri və müdirləri çox vaxt mənfəətini düşünür, yanacağın təmizliyini yoxlamaq üçün onlarda avadanlıq heç də hər zaman olmur. —0—