Mətbuat-Monitorinq 22.02.14

Rəsmi qəzetlər Xocalı faciəsinin növbəti ildönümü yaxınlaşdığı üçün bu faciə ilə bağlı məqalələrin dərc olunmasına üstünlük verir.

   

“Azadlıq” qəzeti Ukrayna hadisələrinə toxunaraq prezident Yanukovuçin müxalifətlə anlaşma imzalamasını “meydanın Yanukovicə qalib gəlməsi” kimi şərh edərək manjetə çıxarıb.

Qəzet BDU-da baş verən etiraz aksiyasına görə rektor Abel Məhərrəmovun bir tələbəni döydürdüyüni, digərini hədələdiyini bildirir. 

Eks-prezident Ayaz Mütəllibovun AXC əleyhinə ittihamlarına ölkə siyasiləri “A.Mütəllibov özü təsadüfi adam idi, bütün həyatı ilə də bunu sübut etdi” cavabını veriblər.

ABŞ-ın ATƏT-dəki səfiri  Azərbaycanda qanunvericiliyin mürtəceləşdirilməsinə “bu düzəlişlər vətəndaş cəmiyyəti və müxalifət fəallarına təzyiqdir” mövqeyini bildirib.

Müxalif siyasətçilər jurnalist Xədicə İsmayılın istintaqa cəlb olunmasını rəsmi Bakının “cəmiyyəti qorxutmaq cəhdi” kimi dəyərləndiriblər. 

Yasamal rayon rəsmiləri “Sovetski” məhəlləsi sakinlərinə kompensasiyaların artırılması ilə bağlı etiraz aksiyası keçirdikləri halda “dövlətin onları başa salacağı” hədəsi gəlib. 

Deputat Siyavuş Novruzov isə sakinlərə 1500 manatdan artıq kompensasiya verilməyəcəyini söyləyib.

    

“Ekspress” fevralın 20-də Güney Azərbaycanın Əhər şəhərində “Ana Dili Günü” tədbirində 100-ə qədər milli fəalın həbsə alınmasını ön səhifəyə çəkib.  

BDU rektoru Abel Məhərrəmov haqları uğrunda mübarizə aparan tələbələri “ölkə təəssübkeşliyi, vətəndaş mövqeyinin olmamaları” təhqirinə məruz qoyub.

    

“Novoe Vremya” ABŞ-ın ATƏT səfirinin rəsmi Bakını tənqidə məruz qoymasını, BDU tələbələrinin haqları uğrunda etiraz aksiyası keçrimələrini ilk plana çıxarıb.

   

“Bizim yol”  ölkədə infromasiya əldə etməyin durumuna toxunan Media Hüququ İnstitutunun hesabatında dövlət qurumlarının informasiyaların 60%-ni gizlətməsinin əksini tapdığını bildirir.

     

“Yeni Müsavat”  ABŞ-ın ATƏT səfirinin rəsmi Bakını tənqidə məruz qoymasına Azərbaycan XİN-in “qərəzli yanaşma və təzyiq cəhdi” reaksiyasını ilk səhifəyə çəkib.

Qəzet Ukrayna xalqının ölkə hakimiyyətinə qalib gəlməsini “inqilaba bərabər qələbə” adlandırır.

 

Rəy yaz

Cəmiyyət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Bizi sosial şəbəkələrdə izləyin

Xəbər lenti