Mətbuat-Monitorinq 22.08.13

Rəsmi və iqtidaryönlü qəzetlər dövlət başçısı İlham Əliyevin dövlət büdcəsindən maliyyələşən təşkilatların müəyyən hissəsinin maaşlarının 10% artırılması, Qax rayonunun  sosial inkişafı ilə bağlı 2 milyon manat vəsaitin ayrılması haqda sərəncamlarının mətnlərini dərc ediblər. 

Bundan əlavə, bu qəzetlərdə müxalif qüvvələrin birliyi olan Milli Şura haqda mənfi çalarlı çoxsaylı yazılar var.

“Azadlıq” ekspertlərin builki prezident seçkilərində prezidentliyə namizədlərin çoxsaylı olmasını “rəsmi Bakının namizədlərə pulsiz efir vaxtının az düşməsi taktikası” adlandırıblar. 

“Human Rights House” şəbəkəsinin rəhbəri Florian İriminger Azərbaycanda seçkilərin saxtalaşdırılacağı bəyanatını səsləndirib. 

Ekspertlər büdcə təşkilatlarında maaşların 10%-lik artımın istehlak mallarının qiymətlərinin qalxmasına səbəb olacağı kimi dəyərləndiriblər.   

Keçmiş müdafiə naziri Rəhim Qazıyevin Irandan qayıdan qardaşı oğlu Orxan Qazıyevin narkotik maddə qaçaqmalçılığı ittihamı ilə həbsə alınıb. 

Rəsmi Bakıya “Azərbaycan bir adama məxsus deyil” mesajını verən Güney Azərbaycanın liderləırindən Mahmudəlıi Çöhrəqanlı Azərbaycana daxil ola bilmək üçün bir daha viza ilə bağlı müraciət edəcəyini bildirib. 

Qəzet rəsmi mənbələrə istinadən bu ilin ötən dövrü ərzində yol qəzalarında 636 insanın həlak olduğunu yazır.

“Ekspress” sanitar epidemiologiya qaydalarını pozduqlarına görə 515 sahibkarın cərimələndiyini bildirir. 

“Novoe Vremya” Kəlbəcər qaçqınlarının öz problemlərilə bağlı Goranboyda keçirdikləri aksiyanı “Azərbaycanın feodallaşması”nın əyani göstəricisi adlandırıblar.

“Bizim yol” keçmiş rektor Elşad Abdullayevin yaydığı video-materiallardakı faktlara əsasən həbsə alınan Arzu Kazımovun məhkəməsində prokurorun ötən prosesdəki 7 il həbs cəzasını son prosesdə 4 ilə endirməsini ironiya ilə “prokuror endirimləri” adlandırır. 

Gədəbəy rayon sakinləri  rayon icra başçısının artıq əhalinin ümumi istifadəsində olan orüş sahələrini ayrı-ayrı fərdlərə əhalidən gizli satdığını bildirirlər.

Ermənistandakı azərbaycanlı əsirlərlə bağlı açqılama verən vətəndaş cəmiyyəti institutları Ermənistanda sağ qalan 900-dən çox əsirin olduğunu bəyan ediblər.

“Yeni Müsavat” Kəlbəcər qaçqınlarının işıq və torpaq problemilə bağlı Goranboyda keçirdikləri aksiyada polisi daşa basdıqlarını yazır, rayon rəhbərliyi isə belə aksiyanın keçirildiyini təkzib edir.  

Ekspertlər seçkilərə az qalmasına baxmayaraq Milli Şuranın hələ də vahid namizəd müəyyən etməməsinə “vaxt keçir yox, vaxt artıq keçib” şərhini veriblər.